އެމްޑީޕީގެ ގައުމީ މަޖިލިސްއިން ހުސްވެފައިވާ މަގާމްތަކަށް މެމްބަރުން އިންތިޚާބު ކުރުމަށް ބޭއްވުނު ބައި އިލެކްޝަންގައި ވަގުތީ ނަތީޖާ އިއުލާން ކޮށްފިއެވެ.
އިއްޔެ ބޭއްވުނު ބައިލެކްޝަންތަކުގައި ވަނީ އެމްޑީޕީގެ ގައުމީ މަޖިލިހުގެ ޖުމްލަ 36 ދާއިރާއެއްގެ ބައި އިލެކްޝަންތައް ބާއްވާފައެވެ. އޭގެ ތެރޭހައި މާލޭ ދާއިރާއާއި އެހެން 17 ދާއިރާއެއް ހިމެނެއެވެ.
އެގޮތުން އިއްޔެގެ ބައި އިލްކެޝްނަގައިވަނީ މާލެ ސިޓީ ރައީސްއާއި 15 ދާއިރާއަކަށް ރައީސުން އިންތިހާބުކޮށް ދެ ދާއިރާއަކަށް ނާއިބު ރައީސުން އިންތިހާބު ކޮށްފައެވެ. ނާއިބު ރައީސުން އިންތިހާބު ކުރީ ހެންވޭރު ހުޅަނގު ދާއިރާ އާއި ހުޅުމާލެ މެދު ދާއިރާއަށެވެ.
މި ބައި އިލެކްޝަންގެ ވަގުތީ ނަތީޖާ ދައްކާ ގޮތުން އެމްޑީޕީގެ 3،860 މެންބަރުން އިންތިޚާބުތަކުގައި ވޯޓު ދީފައި ވެއެވެ.
މާލެ ސިޓީގެ ރައީސް ކަަމަށް ވާދަކުރެއްވީ މާލެ ސިޓީގެ މޭޔަރު އާދަމް އާޒިމާއި ކުރީގެ މަޖިލީސް މެންބަރު މުހައްމަދު ފަލާހެވެ. ފަލާހުއާއި ވާދަކޮށް ބޮޑު ތަފާތަކުން އއިންތިހާބު ކާމިޔާބު ކުރީ މާލޭ ސިޓީގެ މޭޔަރު އާދަމް އާޒިމެވެ.
- އާދަމް އާޒިމް – 1079 ވޯޓް
- މުހައްމަދު ފަލާހް – 470 ވޯޓް
- ޖުމްލަ ވޯޓް – 1576 ވޯޓް
- ބާތިލު ވޯޓް – 27 ވޯޓް
މި އިންތިޚާބުގައި މާލޭ ދާއިރާތަކުން ވޯޓު ލީ ނިސްބަތަށް ބަލާއިރު އެންމެ ގިނަ އިން ވޯޓްލީ މާފަންނު ހުޅަނގު ދާއިރާ އިންނެވެ. އެދާއިރާ އިން ވޯޓްލީ 158 މެމްބަރުންނެވެ.
އަތޮޅުތަކުގެ ދާއިރާތަކަށް ބަލާއިރު އެންމެ ގިނަ މީހުން ވޯޓްލީ އިހަވަންދޫ ދާއިރާ އިންންނެވެ. އެ ދާއިރާގައި 334 މެންބަރުން ވޯޓް ލާފައި ވެއެވެ.
