މިއަދު ކުރިޔަށްދިޔަ އެމްޑީޕީގެ ގައުމީމަޖިލިހުން ހުސްވެފައިވާ މަގާމްތަކަށް މެމްބަރުން އިންތިޚާބު ކުރުމަށް ބޭއްވުނު އިންތިޚާބުގައި މާލޭ ދާއިރާގެ ރައީސްކަން މާލޭ ސިޓީގެ މޭޔަރ އާދަމް އާޒިމް ކާމިޔާބު ކުރައްވައިފިއެވެ.
އެގޮތުން މިހާތަނަށް ގިނަ ވޯޓުފޮށިތައް ގުނާ ނިމުނުއިރު އެމްޑީޕީގެ މާލެސިޓީގެ ރައީސްކަމަށް ވާދަކުރައްވާ ކުރީގެ މަޖިލިސް މެމްބަރު ފަލާހުގެ މައްޗަށް ގިނަ ފޮށިތަކުން އާދަމް އާޒިމް ވަނީ ކުރި ހޯއްދަވާފައެވެ.
މިއަދުގެ މެންދުރުފަހު 2:30ން ރޭގަނޑު 9:00ށް އެމްޑީޕީގެ ޤައުމީ މަޖިލީހުގެ ބައި-އިލެކްޝަންގެ ވޯޓުލުން ވަނީ ކުރިއަށް ގެންގޮސްފައެވެ.
މާލޭ ދާއިރާގެ ރައީސްކަމަށް އަދާމް އާޒިމްއާ ވާދަކުރައްވާފައިވަނީ ކުރީގެ މެންބަރު މުހައްމަދު ފަލާހުއެވެ.
