ބޮލީވުޑްގެ ސްޕަސްޓާރު ޝާހުރުކް ހާން އާއި އޭނާގެ އަންހެން ދަރިފުޅު ސުހާނާ ހާން އެކުގައި ފެނިގެންދާ ފުރަތަމަ ފިލްމް " ދަ ކިންގް" ގެ ވިލަން އަކީ އަބީޝެކް ބައްޗަން ކަމަށް ރިޕޯޓްތައް ބުނެފި އެވެ.
މީގެ ކުރިން މީޑިއާއިން ބުނަމުން އައީ މި ފިލްމް ގައި ޝާހު ފެނިގެންދާނީ ވިލަން ގެ ރޯލުން ކަމަށެވެ. ނަމަވެސް މިހާރުގެ ހަބަރުތަކަށް ބަލާއިރުގައި މި ރޯލުން އަބޝޭކް ބަޗަން ފެނިގެންދާނެ ކަމަށް ވަނީ ބުނެފައިއެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ މި ފިލްމުގައި ދެ ތަރިންގެ ވަރުގަދަ ކުރިމަތިލުންތަކެއް ދައްކުވައި ދޭނެ ކަމަށެވެ. ފާހަގަކޮށްލެވޭ ކަމަކީ ޝާހްރުކާއި އަބީޝެކް ކުރިން ވެސް އެކީގައި މަސައްކަތްކޮށްފައިވާކަމެވެ. އެއީ ކަރަން ޖޯހަރްގެ "ކަބީ އަލްވިދާ ނާ ކެހެނާ" އާއި ފަރާ ޚާންގެ "ހެޕީ ނިއު އިޔާ" ގަ އެވެ.
"ކިންގް" އަކީ ޝާކްރުކްގެ މިދިޔަ އަހަރުގެ "ޕަތާން" ގެ ޑައިރެކްޓަރު ސިދާތު އާނަންދުގެ މާފްލިކްސް އާއި އަމިއްލަ ފިލްމު ކުންފުނި، ރެޑް ޗިލީސް ގުޅިގެން ހަދަން ނިންމާފައިވާ ފިލްމެކެވެ.
