ކައުންސިލްތަކުގެ އަދަދު މަދު ކޮށްގެންވެސް ރަގަޅު ޚިދުމަތެއް ދެވިދާނެކަމަށާއި، ޚިދުމަތަކީ ކަންސިލްތަކުގެ އަދަދުގެ މައްޗަށް ބިނާވާ ކަމެއް ނޫންމުގައި ރައީސް މުއިއްޒު ވިދާޅުވިއެވެ.
ރައީސް މުއިއްޒު މިހެން ވިދާޅުވީ ނާރެސް ޕޯޓަލް އަދި ކުރަނގި ފޭސް 2 އިފްތިތާހު ކުރުމަށް ބޭއްވި ހަފްލާގައި ވާހަކަ ދައްކަވަމުންނެވެ.
މިރޭގެ ހަފްލާގައި ވާހަކަ ދައްކަވަމުން ރައީސް މުއިއްޒު ވިދާޅުވި ކައުންސިލްތަކުގެ އަދަދު މަދު ކުރެވި، އެހެންނަމަވެސް ކައުންސިލަރުންނަށާއި ކައުންސިލްތަކުގެ މުވައްޒްފުން މުސާރަގަޅުކޮށް، އަދި ކައުންސިލްތަކުގެ މުވައްޒަފުންގެ ގިންތި މިހާރަށްވުރެވެސް މަތި ކުރެވުނީމަ ކައުންސިލްތަކުގައި ހުރިހާ މުވައްޒަފުންނަށްވެސް އުފާވެރިކަން ލިބޭނެކަމުގައި ރައީސް މުއިއްޒު މިރޭ ވިދާޅުވިއެވެ.
ރައީސް މުއިއްޒު ވިދާޅުވީ، އަޒުމަކަށް ވާންވާނީ ރައްޔިތުންނަށް ޚިދުމަތް ކުރުންކަމަށާއި، އަދަދު މަދުކޮށްގެންވެސް އެފިޝަންސީ އިތުރު ކުރެވިދާނެކަމުގައެވެ.
ރައީސް މުއިއްޒު ވުދާޅުވީ ސަރުކާރުން ބޭނުންވަނީ އިތުރު ޚިދުމަތްތައްވެސް ލާމަރުކަޒުކުރުން ކަމަށާއި، ކަންސިލްތަކުން ރައްޔިތުންނަށް ލިބޭ ޚިދުމަތްތައް އިތުރަށް ފުރިހަމަ ކުރުން ކަމުގައެވެ.
ކޮމެންޓު ފޮނުވާ