ކުރީގެ ރައީސް އިބްރާހިމް މުޙައްމަދު ޞާލިހްގެ މަންމާފުޅު މުއުމިނާ ޙުސައިންފުޅު ފަސްދާނުލައިފިއެވެ.
ރައީސް ޞާލިޙުގެ މަންމާފުޅުގެ މައްޗަށް ކަށުނަމާދު ކުރުން އޮތީ، މިރޭ މަޣްރިބް ނަމާދަށް ފަހު، މަސްޖިދުއްސުލްޠާން މުޙައްމަދު ތަކުރުފާނުލްއަޢުޡަމް، އިސްލާމީ މަރުކަޒުގައެވެ. އަދި ފަސްދާނުލާފައިވަނީ ގަލޮޅު ސަހަރާގައެވެ.
ރައީސް އިބްރާހީމް މުޙައްމަދު ޞާލިޙްގެ ލޮބުވެތި މަންމާފުޅު ޅ. ހިންނަވަރު، ނުރާނީއާގެ މުއުމިނާ ޙުސައިންފުޅު އަވަހާރަވީ އޭޑީކޭ ހޮސްޕިޓަލުގައި ފަރުވާދެމުން ގެންދަވަނިކޮށެވެ. އަވަހާރަވީއިރު ޢުމުރުފުޅަކީ 80 އަހަރެވެ.
ކުރީގެ ރައީސް އިބްރާހިމް މުޙައްމަދު ޞާލިހްގެ މަންމާފުޅު އަވަހާރަވުމާގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ އެމަނިކުފާނުގެ ޢާއިލާއަށް ތަޢުޒިޔާ ވިދާޅުވެފައެވެ.
