ރައީސް ސާލިހުގެ މަންމާފުޅު އަވަހާރަވުމުގެ ހިތާމާގައި ރައީސް މުއިއްޒު ތައުޒިޔާ ވިދާޅުވެއްޖެއެވެ.
ރައީސް މުއިއްޒު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ރައީސް އިބްރާހީމް މުޙައްމަދު ޞާލިޙްގެ ލޮބުވެތި މަންމާފުޅު މުއުމިނާ ޙުސައިންފުޅު އަވަހާރަވުމުގެ ހިތާމައިގައި ބައިވެރިވެ، އެމަނިކުފާނުގެ ޢާއިލާއަށް ހިތުގެ އިޚްލާޞްތެރިކަމާއެކު ތަޢުޒިޔާ ދަންނަވައި، ޢާއިލާއަށް ކެތްތެރިކަން ދެއްވުން އެދި ދުޢާކުރާ ކަމުގައެވެ.
މާތްﷲގެ ތަނަވަސްވެގެންވާ ރަޙްމަތާއި ރުހިވޮޑިގަތުމާއި މަޣްފިރަތުގައި، ސުވަރުގޭގެ ދާއިމީ ނިޢުމަތުގައި މަރްޙޫމާ މުއުމިނާ ޙުސައިންފުޅު ލަހައްޓަވާށިއެވެ. އާމީން.
ރައީސް މުއިއްޒުގެ ތައުޒިޔާގެ މެސެޖުގައި ވިދާޅުވެފައި ވެއެވެ.
ކުރީގެ ރައީސް އިބްރާހިމް މުޙައްމަދު ސާލިހްގެ މަންމާފުޅު މުއުމިނާ ހުސައިން ފުޅު އަވަހާރަވީ އިރު އުމުރުފުޅަކީ 80 އަހަރެވެ.
އެނގިފައިވާ މުއުމިނާ އަވަހާރަވީ އޭޑީކޭގައި ފަރުވާ ހޯއްދަވަމުން ގެންދަވަނިކޮށް، މިއަދުގެ ވަގުތެއްގައެވެ.
ކޮމެންޓު ފޮނުވާ