ރައީސް ޑރ. މުހައްމަދު މުއިއްޒު، ނޭޕާލުގެ އާ ބޮޑުވަޒީރު ކޭޕީ ޝަރްމާ އޮލީ އަށް މިއަދު މަރުހަބާ ވިދާޅުވެއްޖެއެވެ.
ރައީސް "އެކްސް" ގައި ކުރެއްވި ޕޯސްޓެއްގައި ވިދާޅުވީ ރާއްޖެ އާއި ނޭޕާލްއާ ދެމެދުގައި އޮތް ޒަމާންވީ ގާތް ރަހުމަތްތެރިކަމުން އަދި ހާރިޖީ ގުޅުން އިތުރަށް ބަދަހިކޮށް، ދެމެހެއްޓުމަށްޓަކައި އޮލީގެ ބޮޑުވަޒީރު ކަމުގައި އެ ގައުމާ އެކު ރާއްޖެއިން މަސައްކަތް ކުރާނެ ކަމަށެވެ.
ނޭޕާލާ އެކު ރާއްޖެއިން ހާރިޖީ ގުޅުން ގާއިމްކުރީ އޮގަސްޓް 1، 1980 ގަ އެވެ.
ނޭޕާލުގެ ބޮޑުވަޒީރަކަށް އެންމެފަހުން ހުންނެވީ ޕުޝްޕާ ކަމާލް ދަހަލްއެވެ. އޭނާގެ މަގާމު ގެއްލުނީ މަޖިލިހުގެ އަޣުލަބިއްޔަތު އޭނާ އަށް ގެއްލިގެންނެވެ.
އޮލީ ވަނީ މީގެ ކުރިން ތިން ފަހަރެއްގެ މަތިން ނޭޕާލުގެ ބޮޑުވަޒީރުކަން ކުރައްވައިފައެވެ. ނޭޕާލުގެ އެންމެ ބޮޑު ކޮމިއުނިސްޓް ޕާޓީ، ނޭޕާލް-ޔުނައިޓެޑް މާކްސިސްޓް ލެނިނިސްޓްގެ ލީޑަރަކީ ނޭޕާލްގެ ގާނޫނު ހަދާ މަޖިލިހުގައި އެންމެ ބާރުގަދަ ލީޑަރެވެ.
ޑިމޮކްރަސީ އަށް މަސައްކަތް ކުރައްވަނިކޮށް އޮލީ ވަނީ 14 އަހަރުގެ ޖަލަށް ވެސް ލައިފައެވެ.
