އެސްޓިއޯއިން މީގެ ކުރިން ގެންގުޅެމުންއައި، ރާއްޖޭގައި ފުށް ފެކްޓަރީއެއް އެޅުމުގެ ވިސް އެކުންފުނިން މިހާރު ދޫކޮށްލާފައިވާކަން އެސްޓީއޯގެ އެމްޑީ ޝިމާދު އިބްރާހިމް ހާމަ ކުރައްވައިފިއެވެ.
އެސްޓީއޯއިން މިކަން ހާމަކޮށްފައިވަނީ ރޭ ބޭއްވުނު އެކުންފުނީގެ އަހަރީ އާންމު ޖަލްސާގައި ހިއްސާދާރަކު ކުރި ސުވާކަކަށް ޖަވާބު ދެއްވަމުންނެވެ.
އެސްޓީއޯގެ ހިއްސާދާރަކު ކުންފުނީގެ ބޯޑާއި ސުވާލު ކޮށްފައިވަނީ އާ ވިޔަފާރިތަކަށް ވަނުމަށް އެސްޓީއޯއިން ކުރަމުންދާ މަސައްކަތްތަކާއި ގުޅޭގޮތުންނެވެ. އަދި ފުށް ފެކްޓަރީގެ މަސައްކަތްތަކާއި ގުޅޭގޮތުންވެސް ހިއްސާދާރުން ސުވާލުކޮށްފައި ވެއެވެ.
ހިއްސާދާރުންގެ ސުވާކުތަކަށް ޖަވާބު ދެއްވަމުން ސިމާދު ވިދާޅުވެފައިވަނީ ފެކްޓަރީއެއް ހަދައިގެން އެވިޔަފާރިއަށް ނުވަނުމަށް އެސްޓީއޯގެ ބޯޑުން ނިންމާފައިވަނީ އެންމެ ފަހުން ހެދި ފީސިބިލިޓީ ސްޓަޑީއިން މިއީ ފައިދާވާނެ ވިޔަފާރިއެއް ކަމަށް ނުފެންނާތީ ކަމުގައެވެ.
އަޅުގަނޑުމެން އޭރު ހެދި ފީސިބިލިޓީއާއި، މިހާރުގެ ފީސިބިލިޓީ ހެދިއިރު މި އަންނަ ކޯސްޓުތަކާއި އަޅާ ބަލާއިރު، އެހާ ފީސިބަލް ކަމަކަށް ނުވާތީ މިހާރު އަޅުގަނޑުމެން ފުށް ފެކްޓަރީގެ މަސައްކަތް ކުރިއަށް ނުގެންދަން ބޯޑުން އޮންނާނީ ނިންމާފައި.
ޝިމާދު ވިދާޅުވިއެވެ.
ސިމާދު ވިދާޅުވީ ބަންކަރިންގެ ޚިދުމަތް އަންނަމަހު އެކުންފުނިން ފަށާނެކަމަށާއި، މި ވިޔަފާރިއަށް އެކުންފުނިން ވަންނަނީ ކޮށްފައިވާ ތާވަލާއި އެއްގޮތަށް، އަންދާޒާ ކޮށްފައިވާ މުއްދަތުގައި ކަމުގައެވެ.
