މި ކަމާ ގުޅިގެން އެ ޕާޓީގެ ފަރާތުން މިއަދު ނެރުނު ނޫސް ބަޔާނުގައި ބުނެފައިވަނީ އެ ސްޕޭމް މެސެޖުތައް ފޮނުވަމުންދަނީ އެމްއެންޕީ ޝޯޓުކޯޑު މެދުވެރިކޮށް ކަމަށާއި، އެއީ އެ ޕާޓީގެ ފަރާތުން ފޮނުވާ ނުވަތަ އެ ޕާޓީއާ ގުުންހުރި މެސެޖުތަކެއް ނޫން ކަމަށެވެ.
އެމްއެންޕީގެ ބަޔާނުގައި ބުނެފައިވަނީ މިއީ ބަޔަކު އެ ޕާޓީ ބަދުނާމުކޮށް ރައްޔިތުންނަށް އޮޅުވާލަން ކުރާ ކަމެއް ބުންޏެވެ. އަދި މިއީ މީހުންގެ އަތުން ފައިސާ ހޯދުމަށް ބަޔަކު ކުރާ ވަރަށް ދަށު ދަރަޖައިގެ އަމަލެއް ކަން ފާހަގަކޮށް އެކަންކަމަށް ސަމާލުވާން އެދިފަ އެވެ.
އެކި ކަހަލަ އުކުޅުތައް ބޭނުންކޮށްގެން މަކަރާއި ހީލަތުން އޮޅުވާލައިގެން ފައިސާ ހޯދުން ވަނީ ވަރަށް އާންމުވެފަ އެވެ މި ފަދަ ކަންކަމަށް ސަމާލުވުމަށާއި ހޭލުންތެރިވުމަށް ފުލުހުންނާއި އެހެނިހެން ކަމާ ބެހޭ ފަރާތްތަކުން އަބަދު ވެސް ދަނީ އިލުތިމާސް ކުރަމުންނެވެ.
ކޮމެންޓު ފޮނުވާ