ރާއްޖޭގެ މަޝްހޫރި ފިލްމީ ތަރި ޔޫސުފް ޝަފީއު (ޔޫއްޕެ) ލިޔެ، ޑައިރެކްޓް ކޮށް އަދި މުހިންމު ރޯލެއް ވެސް ކުޅެފައިވާ ފިލްމް "އެރެއަށް ފަހު" ގެ ޓްރެއިލާ ދައްކާލައިފި އެވެ.
އަންނަ މަހުގެ ޕްރީމިއާކުރަން ހަމަޖެހިފައިވާ މި ސީީރީޒްގެ ކާސްޓްގައި އައިމިނަތު ރަޝްފާ (އާޝާ) އާއި އިބްރާހީމް ޖިހާދު (ޖިމީ) ގެ އިތުރުން މަރިޔަމް ޝިފާ ވެސް ހިމެނެ އެވެ.
މީޑިއާނެޓް ގެ އޮރިޖިނަލް ކޮންޓެއްގެ ގޮތުގައި ގެނެސްދޭން ތައްޔާރުވަމުން އަންނަ ތުރިލާ ޖޯންރާގެ "އެރެއަށް ފަހު" އަކީ މުހައްމަދު އަބްދުﷲ (މުހައްމާކަލޯ) ޕްރޮޑިއުސްކޮށްފައިވާ އެއްޗެކެވެ.
ޔޫއްޕެ ޑައިރެކްޓްކުރި ދެ ފިލްމެއް މިދިޔަ އަހަރު އޮލިމްޕަހުގައި އެޅުވި އެވެ. އެއީ ކޮމެޑީ ފިލްމު "ޖޯކަރު" އާއި ބިރުވެރި ފިލްމު "ކަޅަކި" އެވެ.
ކޮމެންޓު ފޮނުވާ