ދުނިޔޭގެ ގައުމުތަކުން ހަތިޔާރަށް ކުރާ ހޭދަ މަތިވެ، ހަތިޔާރުގެ ވާދަވެރިކަމުގައި ދުނިޔެ ތިންވަނަ ބޮޑު ހަނގުރާމައަކާ ކުރިމަތިލުމުގެ ބިރު އެބައޮތްކަމުގައި ކުރީގެ ރައީސް މުހައްމަދު ނަޝީދު ވިދާޅުވިއެވެ.
ނަޝީދު ކުރެއްވި އެކްސް ޕޯސްޓެއްގައި ވިދާޅުވީ، ދުނިޔޭގެ ބޮޑެތި ބާރުތަކުން މިހާރު އިސްކަން ދެނީ އެގައުމުގެ ރައްޔިތުން އަސްކަރިއްޔާގައި ޚިދުމަތް ކުރުން ކަމަށާއި، އަސްކަރިއްޔާއަށް ކުރަމުންދާ ހޭދަތައް މިހާރުދަނީ މަތިވަމުން ކަމަށެވެ. އަދި ގައުމިއްޔަތުގެ ފިކުރުތައް ކުރިއަރަމުންދާކަމަށް ވިދާޅުވަމުން ނަޝީދު ވިދާޅުވީ އިމިގްރޭޝަންއާއި ދެކޮޅު ފަރާތްތަކާއި އަދި ނަސްލީ ތަފާތު ކުރުންތައްވެސް ދަނީ އިތުރުވަމުން ކަމުގައެވެ.
އަދި ކެތްތެރިކަމާއި ވިސްނުންތެރިކަން އިސް ނުކޮސްފިނަމަ ދުނިޔޭ ތިންވަނަ ބޮޑު ހަނގުރާއަކާއި ކުރިމަތިލާން ޖެހުމުގެ ފުރުސަތު ވަރަށް ބޮޑު ކަމުގައެވެ. އަދި ނަޝީދުވަނީ މިހުރިހާ މައްސަލަތަކާއެކު ދުނިޔެ ހޫނަވަމުންދާކަންވެސް ފާހަގަ ކުރައްވާފައެވެ.
