ބ. ތުޅާދޫގައި ގާއިމުކުރާ ކަލްޗަރަލް ސެންޓަރުގެ ކޮންސެޕްޓް، ޑިޒައިން އަދި ކުރެހުން ތައްޔާރުކޮށްދޭނެ ފަރާތެއް ހޯދަން އިއުލާން ކޮށްފިއެވެ.
ބިޒްނަސް ސެންޓާ ކޯޕަރޭޝަން (ބީސީސީ) އިން ކުރި އިއުލާނެއްގައި ބުނީ ތުޅާދޫގައި ގާއިމުކުރާ ކަލްޗަރަލް ސެންޓަރުގެ ކޮންސެޕްޓް، ޑިޒައިން އަދި ކުރެހުން ތައްޔާރުކޮށްދޭނެ ފަރާތެއް ހޯދަން ބޭނުންވާ ކަަމަށެވެ. އަދި މި މަސައްކަތް ކޮށްދިނުމަށް ޝައުގުވެރިވާ ފަރާތްތަކުން އަންދާސީ ހިސާބު ހުށަހެޅުމަށް އިއުލާންގައި އެދިފައިވެއެވެ.
އެ އިއުލާންގައި ބުނެފައިވާ ގޮތުގައި އަންދާސީ ހިސާބު ތައްޔާރު ކުރަން ވާނީ އާއްމުކޮށްފައިވާ މައުލޫމާތު ކަރުދާހަށް ސަމާލުކަން ދީގެންނެވެ. އަދި އަންދާސީހިސާބު ހުށަހެޅުމުގެ ސުންގަޑީގެ ފަހުން ހުށަހަޅާ އަންދާސީހިސާބުތައް ބަލައި ނުގަނެވޭނެ ކަމަށް އިއުލާންގައިވެއެވެ.
މި ބީލަމުގައި ބައިވެރިވެވޭނީ އިކޮނޮމިކް މިނިސްޓްރީގައި ރަޖިސްޓްރީ ކޮށްފައިވާ ދިވެހި ވިޔަފާރިތަކަށެވެ. މިކަމާ ގުޅޭ އިތުރު މައުލޫމާތު [email protected] އަށް އީމެއިލް ކޮށްގެން ނޫނީ 3330587 އަށް ގުޅައިގެން ލިބޭނެ ކަމަށް އެ ކުންފުނިން ބުނެފައިވެއެވެ.
