ބައިނަލްއަޤްވާމީގޮތުން ފާހަގަކުރާ ކަނޑުތަކުގެ ދުވަހުގެ މުނާސަބަތުގައި މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާއިން ބާއްވާ މަސްރޭސް, 29 ޓީމާއެކު މިއަދު ހަވީރު ބާއްވައިފިއެވެ.
މިއަދު ހަވީރު 3:00 ގައި ފެށި މިމަސްރޭހުގައި ސަރުކާރުގެ މިނިސްޓްރީތަކާއި ކުންފުނިތަކުގެ އިތުރުން ގިނަ އިދާރާތަކެއްގެ ޓީމްތައް ބައިވެރިވިއެވެ. މި މަސްރޭހުގައި ކެބިނެޓް ވަޒީރުންގެ ޓީމެއް ބައިވެރިވުމަށް ކުރިން ހަމަޖެހިފައިވީނަމަވެސް ދިމާވި ކަމަކާއި ގުޅިގެން ވަޒީރުންގެ ޓީމުން މަސްރޭހުގައި ބައިވެރިއެއް ނުވެއެވެ.
ފިޝަރީޒް މިނިސްޓްރީން މަޢުލޫމާތުދެއްވި ގޮތުގައި މިއަދު މި ބޭއްވޭ މަސްރޭހުގައި 300 އެއްހާ ބައިވެރިން ހަރަކާތްތެރިވާނެއެވެ.
މި މަސްރޭސް ނިންމާލުމުގެ ރަސްމިއްޔާތު އޮންނާނީ މިރޭ 9:30 ގައި ހުޅުމާލޭ ލަކުޑި ޖެޓީގައެވެ.
ބައިނަލްއަގުވާމީގޮތުން ފާހަގަކުރާ ދުނިމަސއޔޭގެ ކަނޑުގެ ދުވަހަކީ ކޮންމެ އަހަރެއްގެވެސް ޖޫން މަހުގެ 8 ވަނަ ދުވަހެވެ.