މިއަހަރު ބާއްވާ ވޯލްޑް ޓްރެވަލް މާކެޓް (ޑަބްލިޔުޓީއެމް) ގައި ބައިވެރިވުމުގެ ފުރުސަތު އެމްއެމްޕީއާރުސީން ހުޅުވާލައިފިއެވެ.
މި ފެއާ ކުރިއަށްދާނީ މި އަހަރު ނޮވެމްބަރު 5 އިން 7 ގެ ނިޔަލަށް އިނގިރޭސި ވިލާތުގައެވެ.
އެމްއެމްޕީއާރްސީން ހާމަ ކުރި ގޮތުގައި މި ފެއާގައި ދުނިޔޭގެ އެންމެ މަޝްހޫރު ޓްރެވަލް ޓްރޭޑް އިވެންޓް ކަމަށްވާ ޑަބްލިއުޓީއެމް އިނގިރޭސިވިލާތުގެ ދަތުރުފަތުރުގެ ދާއިރާގެ މުހިންމު ފަރާތްތައް ބައްދަލުވެ މަޝްވަރާކުރުމުގެ ފުރުސަތު ލިބިގެންދާނެއެވެ.
އެގޮތުން މި ފެއާގައި ލަންޑަންގައި ރާއްޖޭގެ ތަފާތު ރީތިކަމާއި އެކިއެކި ހުށަހެޅުންތައް ދައްކާލައިގެން ބްރޭންޑް އެވެއާނަސް ހަރުދަނާ ކުރުމަށް ވަނީ ހަމަޖެހިފައެވެ. އަދި ފަތުރުވެރިކަމުގެ އާ އުފެއްދުންތަކާ ބެހޭ އިންޑަސްޓްރީގެ އެންމެ ފަހުގެ މައުލޫމާތު ހިއްސާކުރާނެއެވެ. ހަމައެހެންމެ ގުދުރަތީ ގޮތުން ރައްކާތެރި މަންޒިލެއްގެ ގޮތުގައި ރާއްޖޭގެ ޕްރޮމޯޓުކުރުންވެސް ހިމެނެއެވެ.
އެމްއެމްޕީއާރްސީން ވަނީ މި ހަރަކާތުގައި ބައިވެރިވާން ބޭނުންވާ ފަރާތްތަކުން އަންނަ މަހުގެ 26 ވަނަ ދުވަހުގެ މެންދުރު 1:00ގެ ކުރިން މެންބަރ ޕޯޓަލް މެދުވެރިކޮށް މައުލޫމާތު ހޯދުމަށް އެދިފައެވެ.
