ހަމާސްއަށް ދެން ގާޒާގައި ވެރިކަމެއް ނުކުރެވޭނެ ކަމުގައި އެމެރިކާއިން ބުނެފިއެވެ.
އެމެރިކާގެ ޚާރިޖީ ވުޒާރާގެ ތަރުޖަމާނު މިލަރ ވިދާޅުވީ ހަނގުރާމަ ހުއްޓާލުމުގެ އެއްބަސްވުމަށް ޢަމަލުކުރަން ފެށުމުން، ޣައްޒާއަށް ވެރިކަން ކުރާ އެހެން އޮތޯރިޓީއެއް ވޮޝިންޓަނުން ކުރިއަށް ގެންދާނެ ކަމަށާއި އެއީ ހަމާސް ނޫން ކަމަށެވެ. "މި ހަމަނުޖެހުން ނިމުމަކަށް ގެނައުމަށް އަޅުގަނޑުމެންނަށް ފެންނަ އެއް އުސޫލަކީ ހަމާސް އަށް ޣައްޒާގެ ވެރިކަން ކުރިއަށް ނުގެންދެވޭނެ ކަން،" އޭނާ ވިދާޅުވި އެވެ.
މިހާރު ކުރިޔަށްދާ ހަނގުރާމައިގެ ސަބަބުން ހަމާސްގެ އަސްކަރީ ގާބިލުކަން ވަރަށް ބޮޑަށް ދަށަށް ގޮސްފައިވާ ކަމަށް އެމެރިކާއިން ބުނަމުން ދިޔަ ނަމަވެސް، އެ ޖަމާއަތަކީ ސިޔާސީ އަދި އަސްކަރީ ގާބިލްކަންހުރި، އެންމެ އިސް ލީޑަޝިޕް އަދިވެސް ހަރަކާތްތެރިވަމުންދާ ޖަމާއަތެކެވެ. އެހެންކަމުން އެ ޖަމާއަތުގެ ލީޑަރުންނާއި ހަތިޔާރު އެޅި މީހުންނަށް ވާނީ ކިހިނެއްތޯ ކުރެވުނު ސުވާލަށް ޖަވާބު ދެއްވަމުން މިލަރ ވިދާޅުވީ މިއީ ވަރަށް ސާފުކޮށް އަދިވެސް މަޝްވަރާ ކުރަން ޖެހޭ މައްސަލައެއް ކަމަށާއި، އެމެރިކާގެ ހުށަހެޅުމަށް އެއްވެސް ފަރާތަކުން އަދި އިޖާބަ ދީފައި ނުވާކަމުގައެވެ.
އޭނާ ވިދާޅުވީ ބައިޑަންގެ ސަރުކާރުގެ ސިޔާސަތަކީ ހަމާސް އިން ހަތިޔާރު ބަހައްޓަން ޖެހުން ކަމަށެވެ.
