މީސް މީޑިއާގައި އަންހެން ހެދުން އަޅައި ބަރަހަނާ ފޮޓޯ އާންމު ކުރަމުން ގެންދާ ފިރިހެނެއް ކަމަށްވާ މުހައްމަދު ނަބީލް (ޔާޔާ ނަބީލް)ގެ ބަންދަށް އިތުރު 15 ދުވަސް ކްރިމިނަލް ކޯޓުން ޖަހައިފިއެވެ.
މީސްމީޑިއާގައި ފާޅުކަން ބޮޑު ގޮތެއްގައި އަންހެން ހެދުން އަޅައިގެން މޭކްއަޕްކޮށްގެން ފޮޓޯތައް އަޕްލޯޑް ކުރަމުން އަންނަ ނަބީލުގެ މައްސަލަ ފުލުހުން ދެވަނަ ފަހަރަށް ބަލަން ފަށާފައިވަނީ އެކަމުގެ ކަންބޮޑުވުން ގިނަ ބަޔަކު މީސްމީޑިއާގައި ފާޅު ކުރުމުންނެވެ.
އެ މައްސަލައިގައި ފުލުހުން އޭނާ ހައްޔަރު ކުރީ މެއި 4 ވަނަ ދުވަހެވެ.
،އާންމު އިޖުތިމާއީ މިންގަނޑުތަކާއި ހިލާފަށް ނިވާކަން ކުޑަ އަންހެން ހެދުން އަޅައިގެން މީސްމީޑިއާގައި ވީޑިއޯ ޝާއިއު ކުރަމުން ދިޔަ 39 އަހަރުގެ ޔާޔާ ނަބީލް ހައްޔަރުކޮށް ބަންދު ކުރިއިރު އޭނާ ކޯޓުގައި ބުނީ މީސް މީޑިއާގައި އަންހެން ހެދުން އަޅައި ބަރަހަނާ ފޮޓޯ އާންމު ކުރަމުން ގެންދަނީ ހިޔާލު ފާޅު ކުރުމުގެ މިނިވަން ކަމުގެ ދަށުން ކަަމަށެވެ.
"މީނާ މި ކަންކުރަނީ މީނާއަށް ލިބިދޭ ހިޔާލު ފާޅު ކުރުމުގެ މިނިވަންކަމުގެ ދަށުން ކަމަށް މީހާ ބުނެފައިވޭ،". ކޯޓު އަމުރުގައި ވެއެވެ.
ެއެ ބަންދު އަމުރުގައި ވާގޮތުން މީގެ ކުރިން އޭނާ ހަ ފަހަރެއްގެ މަތިން ބަންދު ކުރި ކަމުގެ ރެކޯޑް އެބަ އޮތެވެ.
މީގެ ކުރިން ޔާޔާ ނަބީލް މީސް މީޑިއާގައި ބަރަހަނާވި މައްސަލައަކާ ގުޅިގެން ވެސް ހައްޔަރު ކުރިއެވެ. އޭނާ މިފަހަރު ހައްޔަރުކޮށްފައި މިވަނީ އެ މައްސަލައިގައި އެއް އަހަރަށް ޖަލަށްލި ހުކުމް ތަންފީޒުކޮށް ނިމުމުން މިނިވަންވެފައި ހުއްޓައެވެ.
