1997 ގައި ގެނެސްދިން ކާމިޔާބު ފިލްމް "ބޯޑާ" ގެ ދެވަނަ ބައި ގެނެސްދޭނީ 2026 ގައި ކަމަށް ރިޕޯޓްތައް ބުނެފި އެވެ.
މި ފިލްްމް އަކީ ބޮލީވުޑްގެ އެންމެ ކާމިޔާބު ހަނގުރާމަ ފިލްމުތަކުގެ ތެރޭގައި ހިމެނޭ އެއް ފިލްމްއެވެ. "ބޯޑާ" ގެ ކާސްޓުން ފެނިގެންދިއައީ ސަނީ ޑިއޯލް އާއި ޖެކީ ޝްރޮފް އަދި ސުނިލް ޝެޓީގެ އިތުރުން އަކްޝޭ ކަންނާއެވެ.
"ބޯޑާ 2″ ގެ ލޯޑުން ވެސް ސަނީ ޑިއޯލް ފެނިގެންދާއރުގައި މި ފިލްމްގެ މުހިންމު ރޯލަކުން ދެން ފެނިގެން ދާނީ އަޔުޝްމާން ކުރާނާއެވެ. މީގެ އިތުރުން "ބޯޑާ" އިން ފެނިގެން ދިއަ ސުނިލް ޝޭޓީ ގެ ފިރިހެން ދަރިފުޅު އަހާން ޝޭޓީ "ބޯޑާ 2″ އިން ފެނިގެން ދާނެއެވެ.
View this post on Instagram
ޑައިރެކްޓަރު ޖޭޕީ ދައްތާ ބޮޑު ކާސްޓަކާ އެކީ 1997 ގައި ގެނެސްދިން ފިލްމުގެ ދެވަނަ ބައި ހަދަން ނިންމާފައި ވަނީ ބުޝަން ކުމާރުގެ ޓީ ސީރީޒްއާ ގުޅިގެން ކަމަށެވެ. އެގޮތުން ފިލްމު ސިނަމާތަކަށް ގެންނަން މިހާރު ތާވަލުކޮށް އޮތް ތާރީހަކީ ޖެނުއަރީ 23، 2026 ކަމަށް މުނިފޫހި ފިލުވުމުގެ ހަބަރުތަށް ގެނެސްދޭ ނޫސްތަކުން ބުނެއެވެ.
"ބޯޑާ" ގެ ދެވަނަ ބައިގެ ވާހަކަ ދެކެވެމުން އަންނަތާ ގިނަ ދުވަސްތަކެއްވީ ނަމަވެސް މި ފިލްމު ރަސްމީކޮށް އަދިވެސް އިއުލާނެއް ނުކުރެ އެވެ. ޕިންކްވިލާ އިން ބުނީ ޖޭޕީ ދައްތާގެ ބަދަލުގައި "ބޯޑާ 2″ ގެ ޑައިރެކްޓްކުރާނީ އަނޫރާގް ސިންގް ކަމަށެވެ. އޭނަ އަކީ އަކްޝޭ ކުމާރުގެ 2019 ގެ ތާރީހީ ހަނގުރާމަ ފިލްމު "ކޭސަރީ" ގެނެސްދިން ޑައިރެކްޓަރެވެ.
