ކަރީނާ އާއި އެކުގައި ދެވަނަ މަސައްކަތެއް ނުކުރެވިފައިވަނީ އަލުން މަސައްކަތްކުރާ ވަރުގެ ސްކްރިޕްޓަކާ ދިމާނުވާތީ ކަމަށް މަޝްހޫރު ޑައިރެކްޓަރު އިމްތިޔާޒް އަލީ ބުނެފިއެވެ.
ނިއުސް 18 އަށް ދިން އިންޓަބިއުއެއްގައި އިމްތިޔާޒް ބުނީ ވަރަށް ގިނަ ބަޔަކު 2007 ގެ "ޖަބް ވީ މެޓް" ގެ ދެވަނަ ބައެއްގެ ވާހަކަ ދައްކާ ކަމަށެވެ. އެކަމަކު އޭގެ ދެވަނަ ބައެއް މުހިއްމުވާ ސަބަބެއް އަމިއްލަ އަށް ނުވިސްނޭ ކަމަށް އިމްތިއާޒު ކަމަށެވެ.
ނަމަވެސް ކަރީނާ އަކީ އޭނަ ވަރަށް ގަޔާވާ ބަތަލާއެއް ކަމަށާއި އެކީގައި މަސައްކަތްކުރުމުގެ ޝައުގުވެރިކަން އަބަދު ވެސް ބޮޑު ކަމަށެވެ. އެކަމަކު އެފަދަ ހުނަރުވެރި ބަތަލާ އަކާއި އެކުގައި މަސައްކަތް ކުރާ ވަރުގެ ސްކްރިޕްޓްއަކާއި މިހާތަނަށް އަދި ދިމާނުވާ ކަމަށް އޭނާ ވަނީ ބުނެފައިއެވެ.
އިމްތިއާޒް ބުނި ގޮތުގައި "ޖަބް ވީ މެޓް" އަކީ ވަރަށް ގިނަ ބަޔަކަށް ކަމުދިޔަ ފިލްމަކަށްވެފައި އޮތުމުން ދެން ކަރީނާއާ އެކީ ހަދަން ބޭނުން ވަނީ އެއީ ވުރެ، ރީތި، ފުރިހަމަ އަދި މަގުބޫލުވާނެ ފިލްމެއް ކަމަށެވެ.
ވަރަށް ތަފާތުކޮށް ލޯބީގެ ވާހަކަތައް ގެނެސްދޭން ކުޅަދާނަ ޑައިރެކްޓަރެއްގެ ގޮތުގައި ފާހަގަކޮށްލެވޭ އިމްތިއާޒް އެންމެ ފަހުން ގެނެސްދިނީ ބައޯޕިކް ފިލްމް އެއް ކަމުގައިވާ "އަމަރް ސިންގް ޖަމްކީލާ"އެވެ.
