ރައީސް މުއިއްޒުގެ ޓީމް އޮތީ ބަދަހިކޮށް، މުއިއްޒު ދުވެލީގައި ގައުމު ދާނީ ބާރަށް ކުރިޔަށް ކަމުގައި ރައީސް މުއިއްޒު އިސް އެޑްވައިޒަރު އަބުދުއްރަހީމް ވިދާޅުވެއްޖެއެވެ.
އަދުރޭ ކުރެއްވި އެކްސް ޕޯސްޓުގައި ވިދާޅިވީ ރައީސް ރައީސް މުއިއްޒުއާއި ގުޅުވައިގެން ދޮގުވާހަކަތައް ފަތުރަމުންދަނީ އެމަނިކުފާނަށް ފުރިހަމަ ތާއީދާ އިތުބާރު އެބަ އޮތްކަން ނިމިދިޔަ މަޖިލިސް އިންތިޚާބުގައި ދިވެހީންނުކުމެ ސާބިތުކޮށްދެއްވީމާ އެކަން ބަލައި ނުގަނެވިގެން ކަމުގައެވެ.
އަދި ޑރ.މުޢިއްޒުގެ ވެރިކަމުގެ ފުރަތަމަ ދުވަހުން ފެށިގެން ދިވެހީންގެ ކުރިމަތީގައި އެ މަނިކުފާނުގެ އަގު ވައްޓާލައި އިތުބާރު ގެއްލުވާލުމަށް ކެނޑިނޭޅި ޙަގީގަތާ ޚިލާފު ދޮގު ވާހަކަތައް ފަތުރަމުން ގޮސްފައިވާކަމުގައިވެސް އަބުދުއްރަހީމް ވިދާޅުވެފައި ވެއެވެ.
އެ މަނިކުފާނުގެ ޓީމު ރޫޅާލުމަށް އިތުރަށް ފަތުރާ ދޮގު ޚަބަރުތަކުން،އިންޝާالله އެ ފަދަ ޚަބަރުތައް ފަތުރާ ފަރާތްތައް ފަޟީޙަތްވުންނޫން އިތުރުކަމެއް ޙާޞިލެއްނުވާނެ. ރައީސް ޑރ.މުޢިއްޒާއެކު ޓީމު އޮތީ ބަދަހިކޮށް.ދިވެހީންދާނީ މުޢިއްޒު ދުވެލީގައި ގައުމައިގެން ކުރިޔަށް
އަދުރޭ ވިދާޅުވެފައި ވެއެވެ.
މިއަދު ކުރެއްވި އިތުރު އެކްސް ޕޯސްޓެއްގައި އަދުރޭވަނީ ރައީސް މުއިއްޒު ސައުދީ ރަސްގެފާނުގެ މެހުމާންދާރީގައި އުމްރާއަށް ވަޑައިގެންނެވުމަކީ ބަޔަކު މީހުން ހަސަދަވެރިވާންވީ ސަބަބެއް ނޫންކަމަށް ވިދާޅުވެފައެވެ.
އަދި
އަބުދުއްރަހީމް ވިދާޅުވީ އޭނާ ގަބޫލުކުރައްވާ ގޮތުގައި މިއީ ދިވެހީން އުފާކުރަންވީކަމެއް ކަމަށާއި، ޙަސަދަވެރި ވިޔަސް ހަގީގަތާ ކުރިމަތިލުމުގެ ހިތްވަރު ހުންނަންވާނެ ކަމުގައެވެ.
