ދޭތެރެ ދޭތެރެއިން ކައިވެނި ނިމުމަކަށް އައިސްފައިވާ ކަމަށް އަޑު ފެތުރޭ ބޮލީވުޑްގެ މަޝްހޫރު ދެ ތަރިން ކަމުގައިވާ ދީޕިކާ ޕަދުކޯން އާއި ރަންވީރު ސިންގް އެންމެ ފަހުން ދިން ހަބަރަކީ އެމީހުންނަށް ދަރިއަކު ލިބެން އުޅޭ ކަމުގެ އުފާވެރި ހަބަރެވެ.

މިދިއަ މަހުގައި ދީޕިކާ މި ހަބަރު އިއުލާން ކުރުމުގެ ކުރިން ވެސް އެމީހުން ވަރިވާން އުޅޭ ކަމަށް ބުނެ މީޑިއާއިން ދިއައީ ހަބަރު ފަތުރަމުންނެވެ. އަނެއްކައިވެސް މިވަނީ އެމީހުންގެ މެދުގައި ހުރިހާ ކަމެއް ރަނަގަޅު ނޫން ކަމަށް ބުނެ ހަބަރު ފަތުރާން ފަށާއިފައިއެވެ.

 

View this post on Instagram

 

A post shared by दीपिका पादुकोण (@deepikapadukone)

މި ހަބަރު ތަށް މިހާރު ތިލަވެގެން އުޅޭ އެންމެ ބޮޑު ސަބަބަކީ ރަންވީރު އޭނާގެ އިންސްޓަގުރާމަށް ލާފައި ހުރި އެ ދެމީހުންގެ ކައިވެނި ފޮޓޯތައް ގެއްލުމުންނެވެ. ކައިވެނީގެ ފޮޓޯތައް ޑިލީޓްކުރި ނަމަވެސް ދީޕިކާއާއެކު ނަގާފައިވާ އެހެން ފޮޓޯތަށް ފެނެއެވެ.

ރަންވީރުގެ އިންސްޓަގްރާމްގައި މިހާރު ފެންނަން ހުރީ 2023ން ފެށިގެން އޭނާ ލާފައި ހުރި ފޮޓޯތައް ކަމަށް ވުމުން ކައިވެނި ފޮޓޯތައް ހިމެނޭހެން އޭގެ ކުރިން ލީ ފޮޓޯތައް "އާކައިވް" ކުރީ ކަމަށްވެސް ވެދާނެ އެވެ.

 

View this post on Instagram

 

A post shared by Ranveer Singh (@ranveersingh)

ރަންވީރުގެ އިންސްޓަގްރާމުން އެމީހުންގެ ކައިވެނި ފޮޓޯތައް ގެއްލުނު ނަމަވެސް ދީޕިކާގެ އިންސްޓަގުރާމްގައި އަދިވެސް އެ ފޮޓޯތައް ފެންނަން އެބަހުއަޓެވެ. އަދި މިކަމާއި ގުޅޭ ގޮތުން ރަންވީރު މިހާތަނަށް ވާހަކަ ދައްކައިފައި އެއް ވެސް ނުމެވެއެވެ.

 

View this post on Instagram

 

A post shared by दीपिका पादुकोण (@deepikapadukone)

ރަންވީރު އާއި ދީޕިކާ ކައިވެނި ކުރީ 2018 ވަނަ އަހަރު ވަރަށް ކުލަގަދަކޮންނެވެ. ބޮލީވުޑްގެ ގިނަ އަދަދެއްގެ ބަޔަކު ބައިވެރިވި މި ކައިވެނީގެ ހަފްލާ ބާއްވާފައި ވަނީ ހިންދީ ދީނުގެ އާދަކާދަތަކާއި އެއްގޮތްވާ ގޮތުގެ މަތިންނެވެ. ދީޕިކާ ބަނޑުބޮޑު ކަން އިއުލާން ކުރީ ފެބްރުއަރީ މަހުގެ 29 ވަނަ ދުވަހުގައިއެވެ. މީ އެދެމީހުންގެ ވެސް އަލަތު ދަރިފުޅެވެ.