އިސްރާއީލުން ޣައްޒާއަށް ދެމުންދާ ހަމަލާތަކުން ލިބުނު އަނިޔާއިން ހަމާސްއިން ހައްޔަރުކޮށްފައިވާ ރަހީނަކު މަރުވެއްޖެ ކަމުގައި ހަމާސް ޖަމާއަތުން ބުނެވިއެވެ.
ހަމާސް އިން ބުނީ ހައްޔަރުކުރި މީހާ މަރުވީ މީގެ މަހެއްހާ ދުވަސް ކުރިން ދިން ވައިގެ ހަމަލާއެއްގައި ލިބުނު ޒަހަމްތަކުގެ ސަބަބުން ކަމަށެވެ.
ހަމާސްގެ ހަތިޔާރު އެޅި ގޮފި ކަމަށްވާ ޣައްސާމް ބްރިގޭޑްސްގެ ތަރުޖަމާނު އަބޫ އުބައިދާ ވިދާޅުވީ މަރުވި މީހާއަކީ ޖޫޑީ ފައިންސްޓައިން، 70، ކަމަށާއި އެ މީހުން ބައިތިއްބާފައިވާ ތަނަކަށް އިސްރާއީލުން ދިން ހަމަލާއެއްގައި އޭނާ އަށާއި އެހެން މީހަކަށް ސީރިއަސް އަނިޔާތަކެއް ލިބިފައިވާ ކަމަށެވެ.
ހަމާސް އިން އޮކްޓޯބަރު މަހުގެ ހަތް ވަނަ ދުވަހު ދިން ހަމަލާތަކުގައި އިޒްރޭލުގެ ދެކުނުން ނެގި 130 އަށް ވުރެ ގިނަ މީހުން އަދިވެސް ހަމާސްގެ ބާރުގައި ދަށުގައި ތިބިކަމަށް ބެލެވެއެވެ.
އިސްރާއީލުން މިހާރު ތައްޔާރުވަމުންދަނީ، ޣައްޒާގެ 1.5 މިލިއަން ރައްޔިތުން ޖަމާވެފައިވާ ރަފާ ކޭމްޕަށް އަރައިގަތުމަށް ތައްޔާރުވަމުންނެވެ. އެގޮތުން އެގައުމުގެ އަސްކަރިއްޔާއިން މިހާރުވަނީ ރަފާއިން މިސްރަށް ހުރަސްކުރާ ބޯޑަރުގެ ޣައްޒާއާވީ ފަޅި ހިސޯރުކޮށް، ޣައްޒާއަށް އެހީގެ ތަކެތި އެތެރެވުން ހުއްޓުވުމަކަށް ގެނެސްފައެވެ.
ދުނިޔޭގެ ގައުމުތަކުން ބުނަމުންދަނީ އިސްރާއީލުން ޣައްޒާ ރަފާ ކޭމްޕަށް އަރައިގެންފި އެ ކޭމްޕުގައި ގަތުލުއާންމެއް ހިގައިގެން ދާނެކަމަށާއި، އިސްރާއީލުން ރަފާ ކޭމްޕަށް ހަމަލާ ދީފިނަމަ އެކަން ބަލައި ނުގަންނާނެ ކަމުގައެވެ.
