2012 ވަނަ އަހަރު ފިލްމް "ވިކީ ޑޯނަ" އިން ބޮލީވުޑަށް ތައާރަފް ވި އެކްޓަރު މަޝްހޫރު ވުމާއި އެކުގައި އޭރުގެ ލޯބިވެރިއާ އަދި މިހާރު ގެ އޭނާގެ ހަޔާތުގެ ބައިވެރިއާ ތާހިރާ ކަޝްޔަޕްއާ ދުވަސްކޮޅަކަށް ރުޅިވި ކަމަށް އޭނާ ބުނެފި އެވެ.
ވަރަށް ތަފާތު ރޯލުތަށް ކުޅުމަށް މަޝްހޫރު ބޮލީވުޑްގެ އެކްޓަރު ބުނީ އެހާބޮޑު ސަމާލުކަމެއް އާންމުގެ ފަރާތުން ލިބުމުން ވަރަށް ބޮޑަށް ބޮޑާ ވެވުން ކަމަށެވެ. އަދި އޭރުގެ ލޯބިވެރިއާ އަދި މިހާރު ގެ އަނބިމީހާ އާއި އޭނާ މަޝްހޫރު ކަން ލިބުމާއި އެކުގައި ރުޅިވި ކަމަށް ބުނެފައިއެވެ.
އިތުރަށް ވާހަކަ ދައްކަމުން އަޔުޝްމާން ބުނީ އޭރުގައި އޭނާ އަކީ އޭނާގެ އުފަން ސިޓީ ޗަންދީގަރް ގެ އެންމެ މަޝްހޫރު މީހާ ކަމަށާއި އެއާއި އެކުގައި ޒުވާން އުމުރު ކަމުން އަންހެން ކުދިންގެ ފަރާތުން ހުށައެޅުންތަށް ލިބިގެން ދާކަމަށެވެ.
View this post on Instagram
އެއާއި އެކުގައި ލިބުނު މަޝްހޫރު ކަމުގައި ވަރަށް ބޮޑަށް ބޮޑާވެވުނު ކަމަށާއި އެކަމުގެ ސަބަބުން ތާހިރާ އާއި ވަރަށް ބޮޑަށް ދުރުވެ އެގުޅުން ނިމުމަކަށް ވެސް އައި ކަމަށް އޭނާ ވަނީ ބުނެފައިއެވެ.
ނަމަވެސް އޭނާ އަށް ހަމަ ހޭވެރިކަން އައި ކަމަށާއި އަލުން އޭނާ ތާހިރާ އާއި އެކުގައި އޮތް ގުޅުން އިއާދަ ކުރި ކަމަށް ބުނެފައިއެވެ. އެއާއި އެކުގައި އެގުޅުން ވަރުގަދަ ވެ އެމީހުން ވަނީ 2008 ވަނަ އަހަރުގައި ކައިވެނި ކޮށްފައިއެވެ. އަދި އެކައިވެނިން ވަނީ ދެ ކުދިންވެސް ލިބިފައިއެވެ.
