ކުރީގެ މަޝްހޫރު ބޮލީވުޑްގެ އެކްޓަރު އިމްރާން ހާން އެނބުރި ބޮލީވުޑަށް އަންނަ ފިލްމް ގެ ޝޫޓިން ފަށައިފިއެވެ.
މަޝްހޫރު އެކްޓަރު އާމިރު ޚާނަށް ބޮޑުބޭބެ ކިޔާ އިމްރާންގެ އާ ފިލްމަކީ "ހެޕީ ޕަޓޭލް" ކަމަށް ރިޕޯޓްތައް ބުނެ އެވެ. ވަރަށް އުންމީދީ އެކްޓަރެއްގެ ގޮތުގައި ފާހަގަ ކުރެވިގެން ދިއަ އިމްރާންގެ ކެރިއަރު ބޮއްސުން ލައި ބޮޑު ސްކްރީން އާއި އޭނާ ދުރުގައި ހުންނަތާ ދުވަސްގަނޑެއް ވެއްޖެއެވެ.
އޭނާގެ ތިރި ކަމާއި ޗާމް ކަމުގެ ސަބަބުން ގިނަ ބައެއްގެ ހިތް އަތުލި އިމްރާން އެންމެ ފަހުން ފެނިފައި ވަނީ ކަންގަނާ ރަނާވަތާ އެކީ ކުޅުނު 2015 ގެ "ކައްޓީ ބައްޓީ" އިންނެވެ.
2008 ވަނަ އަހަރު ބޮލީވުޑްއަށް އޭނާ ނުކުރީ ފިލްމް ""ޖާނޭ ތޫ…ޔާ ޖާނޭ ނާ" އިންނެވެ. މި ފިލްމް އަށް ލިބުނު ބޮޑު ތަރުހީބާއި އެކުގައި އޭނާ އަށް ގިނަ އޮފާތަކެއް ލިބުނެވެ. ނަމަވެސް މާގިނަ ދުވަހެއް ނުވެ އޭނާގެ ތަރި އޮއްސުނީއެވެ.
41 އަހަރުގެ އިމްރާންގެ ފިލްމް ޝޫޓިން މިހާރު ގޯއާގައި ކުރިއަށްދާ ކަމަށް މީޑިއާ ރިޕޯޓްތަށް އަންނަނީ ބުނަމުންނެވެ. މީގެ ޑައިރެކްޓަރަކީ އިމްރާނާ އެކީ 2011 ގެ "ދިއްލީ ބެލީ" ގެ ރޯލެއް ކުޅުނު އެކްޓަރު/ސްޓޭންޑަޕް ކޮމީޑިއަން ވީރް ދާސްއެވެ. މި ފިލްމު ވާނީ އޭނަގެ އަލަތު ޑައިރެކްޝަނަށެވެ.
ކޮމެންޓު ފޮނުވާ