ޒުވާން އަންހެން ކުދިންގެ މެދުގައި ބޮޑު މަގުބޫލު ކަމެއް ލިބިފައިވާ އަދި ބޮލީވުޑް އަށް ތައާރަފް ވުމަށް ތައްޔާރު ވަމުން އަންނަ އިބްރާހީމް އަލީ ޚާން ރަސްމީކޮށް އިންސްޓަގްރާމާ ގުޅިއްޖެ އެވެ.
މީގެ ކުރިން ރަސްމީކޮން އިންސްޓަގްރާމް ބޭނުން ނުކުރާ އިބްރަހިމް ޕޫމާގެ އުފެއްދުންތައް އިންޑިއާގައި އިޝްތިހާރު ކުރަން ލިބުނު ފުރުސަތާއި އެކުގައި އިންސްޓްގްރާމް ބޭނުން ކުރަން ފެށުމުން ގިނަ ބަޔަކު އަންނަނީ އޭނާ ފޮލޯ ކުރަމުންނެވެ.
އިބްރާހީމްގެ ފުރަތަމަ ޕޯސްޓަށް ކަރީނާ ކުރި ކޮމެންޓެއްގައި އޭނަގެ ވަނަން "އިގީ" ކިޔައި އިންސްޓަގްރާމް އަށް މަރުހަބާ ވަނީ ކިޔައިފައިއެވެ. ކަރީނާ އަކީ އިބްރާހިމް ގެ ދޮން މަންމައެވެ.
ކަރީނާ އަކީ ވެސް ޕޫމާގެ އުފެންދުންތަށް އިޝްތިހާރު ކުރަމުން އަންނަ މީހެކެވެ. އެހެން ކަމުން އެދެމީހުން އެކުގައި އިޝްތިހާރަކުން ފެނިދާނެ ކަމުގެ އިޝާރާތެއް ކަރީނާ ވަނީ ދީފައިއެވެ.
View this post on Instagram
އިބްރާހީމް، 21، އަކީ މަޝްހޫރު އެކްޓަރު ސައިފް އަލީ ޚާން އާއި ކުރީގެ ބަތަލާ އަމްރީތާ ސިންގް ގެ ދެދަރިންގެ ތެރެއިން ފިރިހެން ކުއްޖާއެވެ. އަދި ބަތަލާ ސާރާ އަލީ ޚާންގެ އެއްބަނޑު އެއްބަފާ ކޮއްކޮ އެވެ.
އޭނާ އިންސްޓަގްރާމް އިން އެކައުންޓެއް ހުޅުވި އިރުގައި "ސަރުޒަމީން" ކިޔާ ފިލްމަކުން އިބްރާހީމް ބޮލީވުޑަށް ނެރެން ނިންމާފައިވާ ޕްރޮޑިއުސަރު ކަރަން ޖޯހަރާއި އެ ފިލްމުގެ ޑައިރެކްޓަރު ކެޔޯޒް އިރާނީ ވެސް ވަނީ އޭނާ އަށް މަރުހަބާ ކިޔައިފައިއެވެ.
