ބޮލީވުޑްގެ ނުފޫޒު ގަދަ ޕްރޮޑިއުސަރު/ ޑައިރެކްޓަރު ކަރަން ޖޯހަރުގެ ދަރުމާ ޕްރޮޑަކްޝަންގެ ފިލްމަކަށް އެކްޓަރު އަޔޫޝަމަން ކްރާނާ ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ.
މި ފިލްމް ގެ ނަން އަދި ފައިނަލް ނުކުރާ ކަމަށް މީީޑިއާއިން ވަނީ ބުނެފައިއެވެ. އަދި މި ފިލްމް އިއުލާން ވެސް ނުކުރެއެވެ. ނަމަވެސް މި ފިލްމް އަކީ ސްޕައި ތްރިއްލާ އެއް ކަމަށް ވެއެވެ. މިފިލްމް ވެގެންދާނީ ކަރަންގެ ފިލްމް އަކުން އަޔުޝްމާން ފެނިގެންދާ ފުރަތަމަ ފަހަރަށެވެ.
View this post on Instagram
މި ފިލްމު ޕްރޮޑިއުސް ކުރަނީ ކަރަން އާއި ޕްރޮޑިއުސަރު ގުނީތު މޮންގާ ގުޅިގެންނެވެ. އެ ދެ މީހުން ގުޅިގެން މި އަހަރުގެ ޖުލައިގައި ވަރުގަދަ އެކްޝަން ފިލްމެއް "ކިލް" ގެ ނަމުގައި ގެނެސްދޭން ވެސް ހަމަޖެހިފައިވެ އެވެ.
ނެޝަނަލް އެވޯޑް ހޯދާފައިވާ އެކްޓަރުގެ މި ފިލްމް ވެގެން ދާނީ މީގެ ކުރިން އޭނާ ފެނިގެން ނުދާފަދަ ފިލްމް އަކަށް ކަމަށްވެއެވެ. ވަރަށް ތަފާތު ރޯލުތަކުން ފެނިފައިވާ އެކްޓަރު އެންމެ ފަހުން ފެނިގެން ގޮސްފައިވަނީ މިދިޔަ އަހަރުގެ "ޑްރީމް ގާލް 2″ އެވެ.
