ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެވަޑައިގެންނެވި ވައުދުފުޅާ އެއްގޮތަށް، މިދިޔަ ރޯދަަ މަހުގެ ކަރަންޓް ބިލްތައް ކެޕްކުރުމަށް ބިލްތަކުން ޖުމުލަ 45 މިލިއަން ރުފިޔާގެ ޑިސްކައުންޓެއް ދީފައި ވާނެކަމަށް ފެނަކާ އާއި ސްޓެލްކޯއިން ބުނެފިއެވެ.
ނަމަވެސް ރޯދަ މަހުގެ ބިލްތައްވެސް ބޮޑުކަމުގެ ކަންބޮޑުވުން ބައެއް އާއްމުން ފާޅުކުރަމުންދާ ދިއުމާ ގުޅޭގޮތުން ވާހަކަ ދައްކަވަމުން ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވިދާޅުވީ ޑިސްކައުންޓް ދިން ގިނަ ބިލުތައް ރޯދަމަހުގެ ބޮޑު ބަޔަކާ ދިމާވި ކަމަށެވެ.
އަޅުގަނޑުމެންވެސް ގަބޫލުކުރަން ބައެއް ކޮންޒިއުމަރުން، ބިލިން ސައިކަލްގައި ފޯލްވެފައި އެބަހުރި. އެއީ ރޯދަ މަސް ތަންކޮޅެއް ކުޑަކޮށް، އެހެން ނަމަވެސް ޖުމްލަކޮށް އަޅުގަނޑުމެން ބަލައިލާ އިރު ގިނަ އަދަދެއްގެ ކޮންޒިއުމަރުންނަށް ބިލު ކުރެވިފައި މިހުރީ ރަނގަޅަށް.
ފަހުމީ ވިދާޅުވިއެވެ.
ފަހުމީ ވިދާޅުވީ ބިލްތަކުން ޑިސްކައުންޓް ދީފައި ހުރީ ރަގަޅަށް ކަމަށާއި، އެގޮތުން 20 މިލިއަން ރުފިޔާގެ ޑިސްކައުންޓް ބިލްތަކުން ދީފައިވާނެ ކަމަށެވެ.
އަދި އޭނާ ވިދާޅުވީ މިއަހަރުގެ ރޯދަމަސް ދިމާވީ ހޫނުގަދަ މަހަކަށް ކަމަށާއި، މޫސުމަށް އަންނަ ބަދަލުތަކުގެ ސަބަބުން ކަރަންޓުގެ ޚަރަދު ބޮޑުވެގެންދާ ކަމަށެވެ.
ކަރަންޓު ބިލުން ދީފައިވާ ޑިސްކައުންޓާއި ގުޅެގޮތުން ވާހަކަ ދައްކަވަމުން ފެނަކަ އެމްޑީ މުއާޒު ރަޝީދު ވިދާޅުވީ ޑިސްކައުންޓް ދީފައިވަނީ އާންމު މަސްތަކުގެ ކެޕް ބަލައިގެން ކަމަށާިއ، އާންމު މަސްތަކުގެ ކެޕް ބަލާފައިވާނީ ޔޫޓިލިޓީ ރެގިއުލޭޓަރީ އޮތޯރިޓީންގެ ގައިޑްލައިންތަކަށް ބަލައިގެން ކަމުގައެވެ.
ރޯދަ މަހުގެ ބިލް އާއްމު މަހެއްގެ ބިލަށްވުރެ ބޮޑެއް ނުވާނެ.
މުއާޒް ވިދާޅުވިއެވެ.
މުއާޒް އިތުރަށް ވިދާޅުވީ، އާއްމު މަހަކަށް ވުރެ ބޮޑު ނުވާތީ އެ ފަހަރުގެ ބިލުން ޑިސްކައުންޓް ނުލިބުނު ފަރާތްތަކުގެ ބިލްތަކަށްވެސް ދިހަ ޕަސަންޓުގެ ޑިސްކައުންޓެއް ދީފައިވާ ކަމަށެވެ.
ކޮމެންޓު ފޮނުވާ