"ލާހޯރް 1947″ ކުޅޭކަން ޕަރިތީ ޔަގީން ކޮށްދީފި

"ލާހޯރް 1947″ ކުޅޭކަން ޕަރިތީ ޔަގީން ކޮށްދީފި

ސަނީ ޑިއޯލް މިހާރު ކުޅެމުން އަންނަ ފިލްމް ގައި ހިއްސާވާކަން ބޮލީވުޑްގެ ކުރީގެ ބަތަލާ ޕްރިތީ ޒިންތާ ކަށަވަރުކޮށް ދީފި އެެވެ.

ގިނަ ދުވަސްތަކެއް ވަންދެން ބޮޑު ސްކްރީން އާއި ދުރުގައި ހުރުމަށްފަހު ޕްރިތީ އެންބުރި އަންނަ ފިލްމް އަކީ ސަނީ ގެ ކުރިއަށް އޮތް ފިލްމް "ލާހޯރް 1947″ އެވެ. މި ފިލްމް ގައި އޭނާ ކުޅޭނީ ލީޑް ރޯލު ކަމަށް ވެސް މައުލޫމާތު ލިބެއެވެ.

އެ ފިލްމް އަކީ އާމިރު ޚާން ޕްރޮޑިއުސްކޮށް، ރާޖްކުމާރު ސަންތޯޝީ ޑައިރެކްޓްކުރާ މި ފިލްމު މިދިޔަ އަހަރު އިއުލާންކުރި ފިލްމްއެކެވެ. މި ފިލްމް އަކީ ގިނަ ދުވަސްތަކެއް ވަންދެއް ބޮޑު ސްކްރީން އާއި ދުރުގައި ހުރުމަށްފަހު ސަނީ އެނބުރި އައި ފިލްމް "ގަދަރް 2″ ގެ ބޮޑު ކާމިޔާބަށް ފަހު ކުޅޭ ދެވަނަ ފިލްމްއެވެ.

 

View this post on Instagram

 

A post shared by Preity G Zinta (@realpz)

އަންނަ އަހަރު ރިލީޒްކުރާނެ ކަމަށް ބެލެވޭ މި ފިލްމުގެ ކާސްޓްގައި ޝަބާނާ އާޒްމީ އާއި އަލީ ފަޒަލްގެ އިތުރުން ސަނީގެ ދޮށީ ދަރިފުޅު ކަރަން ޑިއޯލް ވެސް ހިމެނެ އެވެ. އަދި "ލާހޯރް 1947″ ގެ ހާއްސަ ފެނިލުމެއްގައި ޕްރޮޑިއުސަރު އާމިރު ވެސް ހިމެނެ އެވެ.

ޕްރިތީ އެންމެ ފަހުން ކުޅުނު ފިލްމަކީ 2018 ވަނަ އަހަރު ގެނެސްދިން "ބައްޔާޖީ ސުޕަހިޓް" އެވެ. އެ ފިލްމަށް މާ ބޮޑު ތަރުހީބެއް ނުލިބުނެވެ.

 

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *