އިންޑިއާގެ މަޝްހޫރު ބަތަލާ ރަކުލް ޕްރީތު ރެސްޓޯރަންޓެއް ހުޅުވަން ތައްޔާރުވެއްޖެ އެވެ.
ރެސްޓޯރެންޓް ވިޔަފާރީ އަކީ ބޮލީވުޑްގެ ތަރިންގެ މެދުގައި ވަރަށް މަގުބޫލު ވިޔަފާރީއެކެވެ. މިހާރުވެސް ގިނަ ތަރިންތަކެއް މި ވިޔަފާރީގައި އުޅެއެވެ. ދާދި ފަހުން ޝާހުރުކް ހާން ގެ އަންހެނުން ގޯރީ ހާން ވެސް ވަނީ ރެސްޓޯރެންޓެއް ހުޅުވާފައިއެވެ.
މިއަދު ހައިދަރުއާބާދުގައި ހުޅުވަން ހަމަޖެހިފައިވާ މި ރެސްޓޯރަންޓްގެ ނަމަކީ "އަރަމްބަމް ސްޓާޓްސް ވިތު މިލެޓް" އެވެ. މި ރެސްޓޯޓަކީ އެންމެ މަޝްހޫރު ކްލައުޑް ކިޗަން އަދި އެފްއެންޑްބީ ކުންފުނި ކިއޯފުޑްސްއާ ގުޅިގެން ހުޅުވާ ތަނެކެވެ.
ރަކުލް ބުނި ގޮތުގައި އޭނަގެ ރެސްޓޯރަންޓްގެ އެންމެ ހާއްސަ ކަމަކީ ހެލްތީ ޑިޝްތަކެއް ލިބޭނެ ތަނަކަށްވުމެވެ. އަދި އެތަން ޕްރޮމޯޓް ވެސް ކުރާނީ ދުޅެހަޔޮ ސިއްހަތާ ގުޅޭ ތަނެއްގެ ގޮތުގައި ކަމަށް ސިއްހަތަށް ވަރަށް ބަލައިގެން އުޅޭ ބަތަލާ ވަނީ ބުނެފައިއެވެ.
މިދިއަ ފެބްރުއަރީ މަހު ޕްރޮޑިއުސަރު ޖެކީ ބަގްނާނީއާ ކައިވެނުކުރި ރަކުލް ރެސްޓޯރަންޓްގެ ވިޔަފާރި އަށް ވަން އިރު، އެންމެ ފަހުން އޭނާ ފެނިގެން ދިއައީ ސައުތުގެ ފިލްމް އެއް ކަމުގައިވާ "އަޔާލާން" އިން ނެވެ.
ކޮމެންޓު ފޮނުވާ