ސައުތުގެ މަޝްހޫރު އެކްޓަރު ރަޖްނިކާންތް ގެ ކާމިޔާބު ފިލްމު "ޖެއިލާ" ގެ ސީކްއެލްގެ ނަމަކީ "ހުކުމް" ކަމަށް ރިޕޯޓްތައް ބުނެފި އެވެ.
ރިޕޯޓްތައް ބުނި ގޮތުގައި، އެ ފިލްމުގެ ސްކްރިޕްޓް މިހާރު ލިޔަމުން އަންނަ ކަމަށާއި ޕްރޮޑަކްޝަން މަސައްކަތްތައް އަންނަ ޖޫން މަހު ފަށާނެ އެވެ. ނަމަވެސް ރަސްމީކޮން އަދި ފިލްމް ގެ ޝޫޓިން ފަށާނެ އިރެއް އިއުލާނެއް ނުކުރެއެވެ.
މިދިޔަ އަހަރުގެ އޮގަސްޓް 10 ގައި ރިލީޒްކުރި ފިލްމަށް ބޮކްސް އޮފީހުގައި 650 ކްރޯޑް ރުޕީސް (78 މިލިއަން ޑޮލަރު) ލިބުނެވެ. "ޖެއިލާ" ހެދީ 200 ކްރޯޑް ރުޕީސް (24 މިލިއަން ޑޮލަރު) ގެ ބަޖެޓަކުންނެވެ.
"ޖެއިލާ" އަކީ ރަޖްނީކާންތުގެ ސްޓައިލްގެ ވަރުގަދަ ތަޅާފޮޅާ މަންޒަރުތައް ހިމެނޭ ފިލްމެކެވެ. އެ ފިލްމުގައި އޭނާ ކުޅެނީ ފުލުހެއްގެ ރޯލެވެ. މި ފިލްމްގެ ބަތަލާ ގެ ރޯލުން ފެނިގެން ގޮސްފައިވަނީ ތަމަންނާ ބާޓިއާ އެވެ. އަދި މީގެ އިތުރުން ފިލްމް ގެ މުހިންމު ރޯލަކުން ޖެކީ ޝްރޮފް ވަނީ ފެނިގެން ގޮސްފައިއެވެ.
