ސިޔާސީ އެއްވެސް ޕާޓީއަކާއި ނުގުޅޭ ކަމަށާއި އަދި މި މަހު ފަށާ ލޯކް ސަބާ އިންތިހާބުގައި ވެސް ވާދަކުރަން ނޫޅޭ ކަމަށް އިންޑިއާގެ މަޝްހޫރު ފިލްމީ ތަރި ސަންޖޭ ދަތު ބުނެފި އެވެ.
މަޖިލިސް އިންތިހާބުގައި އޭނާ ވާދަކުރަން އުޅޭ ކަމަށް ބުނެ ބައެއް ނޫސްތަކުން ވެސް ވަނީ އެ ޚަބަރު ރިޕޯޓްކޮށްފަ އެވެ. އަދި ސޯޝަލް މީޑިއާގައި ވެސް ވަރަށް ގަދައަށް އެ ވާހަކަ ދެކެވުނެވެ. ނަމަވެސް ސަންޖޭ ވަނީ އެ ހުރިހާ ވާހަކަތަކެއް ދޮގު އެކްސްގައި ޕޯސްޓެއްކޮށްފަ އެވެ.
އެ ޕޯސްޓުގައި އޭނަ ބުނީ ސިޔާސީ ދާއިރާ އަށް ނުކުންނަން އުޅޭ ނަމަ އަދި އިންތިހާބެއްގައި ވާދަކުރަން އުޅޭ ނަމަ އިސްވެ އެކަން އަމިއްލަ އަށް އިއުލާން ވެސް ކުރާނެ ކަމަށެވެ.
I would like to put all rumours about me joining politics to rest. I am not joining any party or contesting elections. If I do decide to step into the political arena then I will be the first one to announce it. Please refrain from believing what is being circulated in the news…
— Sanjay Dutt (@duttsanjay) April 8, 2024
އިންޑިއާގެ ގާނޫނު ހަދާ މަޖިލީހުގެ ތިރިގޭގެ އިންތިހާބާ ދިމާކޮށް ބޮލީވުޑްގައި ވެސް ސިޔާސީ ފޯރި މި ދުވަސްވަރު ވަނީ ވަރަށް ގަދަވެފަ އެވެ.
