ބޮލީވުޑްގެ ކާމިޔާބު އެތަށް ފިލްމް ތަކެއް ގެނެސްދީފައިވާ ކުޅަދާނަ ޑައިރެކްޓަރު ސަންޖޭ ލީލާ ބަންސާލީގެ ފުރަތަމަ ވެބް ސީރީޒް "ހީރާމަންޑީ: ދަ ޑައިމަންޑް ބާޒާރު" ގެ ފިރިހެން ކާސްޓުން ދައްކާލައިފި އެވެ.
މިހާތަނަށް މީގެ ފިރިހެން ކާސްޓާ ބެހޭ އެއްވެސް މައުލޫމާތެއް ހިއްސާނުކޮށް އިއްޔެގެ ވަގުތެއްގައި ވަނީ ސީރީޒްގެ މައިގަނޑު ހަތަރު އެކްޓަރުންގެ ފަސްޓްލުކް ޕޯސްޓަރުތަކެއް ވަކިވަކިން ދައްކާލައިފަ އެވެ. ނަމަވެސް އެއްވެސް މަޝްހޫރު އެކްޓަރެއް ނެތެވެ.
ނަމަވެސް ފާހަގަ ކޮށްލެވޭ ކަމަކީ މިގެން ކުރީގެ މަޝްހޫރު އެކްޓަރު ފަރްދީން ހާން ފެނިގެން ދިއުމެވެ. ފިލްމް ކުޅުމާއި ދުވަސްގަނޑަކު ދުރުގައި ހުރުމަށް ފަހު މީ އޭނާގެ އެނބުރި އައުމެވެ.
View this post on Instagram
ފިރިހެން ކާސްޓްގައި ދެން ހިމެނެނީ ޝޭކަރު ސުމަން އާއި އޭނަގެ ދަރިފުޅު އަދިޔަޔަން ސުމަންގެ އިތުރުން ތާހާ ޝާހެވެ. މީގެ އަންހެން ކާސްޓުގައި ސޮނާކްޝީ ސިންހާ، މަނީޝާ ކޮއިރަލާ، ރިޗާ ޗައްޑާ، އަދިތީ ރާއޯ ހައިދްރީ، ސަންޖީދާ ޝެއިހް އަދި ޝަރުމިން ސޭގަލް ހިމެނެ އެވެ.
ނެޓްފްލިކްސް އަށް ހަދާ 8 އެޕިސޯޑްގެ މި ވެބް ސީރީޒްގައި ކިޔައިދެނީ އިންޑިއާ އަށް މިނިވަންކަން ލިބުމުގެ ކުރިން އަދި ގައުމު ބައިބައިވުމުގެ ކުރިން، ލާހޯރްގެ ރެޑް ލައިޓް އޭރިއާގައި އުޅުނު ޝާހީ ޖާރިޔާއިންގެ ވާހަކަ އެވެ.
