އަބުދުއްރަހީމްއަކި ރައީސް ޔާމިންގެ ވެރިކަމުގައެވެސް އަދި އޭގެ ފަހުންވެސް ސިޔާސީ މަސައްކަތުގަ އެމަނިކުފާނަށް އެންމެ ބޮޑަށް އެހީތެރިކަން ފޯރުކޮށްދެއްވި ފަރާތްކަމަށާއި، އެހެންކަމުން އެންމެ ބޮޑު އައުލަބިއްޔަތަކުން އަބުދުއްރަހީމް މަޖިލީހަށް އިންތިޚާބު ކޮށްދެއްވުން އެދޭކަމުގައި ރައީސް މުއިއްޒު ވިދާޅުވެއްޖެއެވެ.
ރޭ މާލޭގައި ކުރިޔަށްދިޔަ، އަބުދުއްރަހީމްގެ ކެމްޕޭން ޖަގަހަ ހުޅުވުމުގެ ރަސްމިއްޔާތުގައި ވާހަކަ ދައްކަވަމުން ރައީސް މުއިއްޒު ވިދާޅުވީ
އެހެންވީމަ މިކަމުގަ ވަރުގަދަ މަސައްކަތްތަކެއް ކުރައްވަވާ. އެމަނިކުފާނަކީ އަޅުގަޑަށް މިދިޔަ ހުރިހާ ދުވަހަކު ސިޔާސީ މަސައްކަތުގަ އަޅުގަޑަށް ދިމާވި ހުރިހާ ކަމެއްގަ އެންމެ ބޮޑަށް އެހީތެރިކަން ދެއްވި ބޭފުޅާ. އެންމެ ބޮޑަށް، އެއީ ރައީސް ޔާމިންގެ ވެރިކަމުގަވެސް، އަދި ފަހުންވެސް. އެހެންވީމަ އަޅުގަޑުގެ ފުރިހަމަ އިތުބާރު އޮތް، އަޅުގަޑު އެންމެ ބޮޑަށް އެބޭފުޅަކަށްޓަކާ ފަޚުރުވެރިވާ ސިޔާސީ ބޭފުޅަކީ އަބުދުއްރަހީމް.
ރައީސް މުއިއްޒު ވިދާޅުވިއެވެ.
ރޭގެ ޖަލްސާގައި ވާހަކަ ދައްކަވަމުން ރައީސް މުއިއްޒު ވިދާޅުވީ އެހެންކަމުން އަބުދުއްރަހީމް އެގޮނޑިއަށް ހޮއްވަވާ ދެއްވުމަކީ އެމަނިކުފާނަށް ކޮށްދެއްވޭނެ ވަރަށް ބޮޑުކަމަށް ވާނެ ކަމުގައެވެ. އަދި ރައީސް ވިދާޅުވީ އަބުދުއްރަހީމް ގޮނޑިއަށް އިންތިޚާބު ވާނެކަމާމެދު ޝައްކެއް ނެތްކަމަށާއި، ކުރަން ޖެހިފައި އޮތް މަސައްކަތަކީ ނަތީޖާ ރަގަޅުކުރުން ކަމުގައެވެ.
