މަޝްހޫރު އެކްޓަރ ސަނީ ޑިއޯލްގެ ދަރިފުޅު ކަރަން ޑިއޯލް، މިދިޔަ އަހަރު ރިލީޒްކުރި ތެލެގޫ ކްރައިމް ކޮމެޑީ "ބްރޯޝެވަރެވަރުރަ"ގެ ހިންދީ ރިމޭކަށް ސޮއިކޮށްފިއެވެ.
މިދިޔަ އަހަރު، ބައްޕަ ސަނީ ޑައިރެކްޓްކުރި ފިލްމު "ޕަލް ޕަލް ދިލްކޭ ޕާސް" އިން ބޮލީވުޑަށް ނުކުއިތް ކަރަން އާއިއެކު މި ފިލްމުން އޭނަގެ އާއިލާއަށް ނިސްބަތްވާ އިތުރު ތަރިއެއް ކަމަށްވާ އަބޭ ޑިއޯލް ވެސް ފެނިގެންދާނެ އެވެ. އަބޭ އަކީ ކަރަންގެ ބައްޕަ ސަނީއާ ދެބެންގެދެދަރި މީހެކެވެ.
View this post on Instagram
އަޖޭ ދޭވްގަން ޕްރޮޑިއުސްކުރާ މި ފިލްމް، މިދިޔަ އަހަރުގެ ކާމިޔާބު ތެލެގޫ ފިލްމެއްގެ މައްޗަށް ބިނާކޮށްފައިވާއިރު އެ ފިލްމު ޑައިރެކްޓް ކޮށްފައި ވަނީ ވިވެކް އަތެރިޔާ އެވެ. އަދި "ވެލީ" ގެ ނަމުގައި އަޖޭ ގެނެސްދޭން ނިންމާފައިވާ މި ފިލްމު ޑައިރެކްޓް ކުރާނީ "އޯމް ޝާންތީ އޯމް" އާއި "ޗަލްތޭ ޗަލްތޭ" ފަދަ ފިލްމުތަކުގެ އެސިސްޓަންޓް ޑައިރެކްޓަރެއްގެ ގޮތުގައި މަސައްކަތްކުރި ދެވެން މުންޖާލް އެވެ.
މި ފިލްމުގެ ޝޫޓިންގ ފަށާނެ ވަކި ތާރީހެއް ކަނޑައަޅާފައި ނެތް އިރު ފިލްމުގެ ޕްރޮޑިއުސަރ އަޖޭ މިހާރުވެސް ގެންދަނީ އެހެން ފިލްމެއްގެ ޝޫޓިންގގެ މަސައްކަތް ކުރަމުންނެވެ. އެއީ އަޖޭ އަމިއްލައަށް ޕްރޮޑިއުސްކޮށް، ޑައިރެކްޓްކޮށް އަދި ލީޑް ރޯލުންވެސް ފެނިގެންދާނެ ފިލްމު "މޭޑޭ" އެވެ. މި ފިލްމުގައި އަޖޭ ފެނިގެންދާނީ ރަކުލް ޕްރީތާއި އަމީތާބް ބައްޗަންއާ އެކުގައެވެ.
Happy to officially begin MayDay? in a start-to-finish shooting schedule. Seek blessings from the Almighty and my parents. Nothing is complete without the support of all my fans, family and well-wishers.
Releases on 29th April 2022.@SrBachchan @Rakulpreet @KumarMangat pic.twitter.com/QNKBjtvOu7— Ajay Devgn (@ajaydevgn) December 11, 2020
އަނެއް ކޮޅުން ކަރަން ވެސް ވަނީ އޭނާގެ އާއިލާގެ 3 ޖެނެރޭޝަން ފެނިގެންދާނެ، އާއިލީ ފިލްމު "އަޕްނޭ 2″ ކުޅެން ތައްޔާރު ވެފައެވެ. އަންނަ މާޗް މަހު ޝޫޓިންގ ފަށަން ތައްޔާރުވެފައިވާ މި ފިލްމުގައި ކަރަންގެ އިތުރުން އޭނަގެ ކާފަ ދަރުމެންދުރާ އާއި ބައްޕަ ސަނީ އާއި ބޮޑުބޭބެ ބޮބީ ޑިއޯލް ފެންނާނެ އެވެ. މިއީ 2007 ވަނަ އަހަރު ދަރޭ އާއި ބޮބީ އާއި ސަނީ ފެނިގެންދިޔަ "އަޕްނޭ"ގެ ސީކުއަލް އެކެވެ.
