މިދިއަ އަހަރު ފަސްޓްލުކް ޕޯސްޓަރު ދައްކައިލައިފައިވާ ވެބް ސީރީޒް "ހީރާމަންޑީ: ދަ ޑައިމަންޑް ބާޒާރު" އިން ސޮނާކްޝީ ސިންހާގެ ތަފާތު ސްޓައިލެއްގައި ދައްކުވައިދޭ ލަވައެއް އާންމުކޮށްފި އެވެ.
ވަރަށް ތަފާތު ނެށުމެއް ފެނިގެންދާ މި ލަވައިގައި ސޮނާކްޝީ ގެ އެކްޓިންގެ ހުނަރު ވަރަށް ރަނގަޅަށް ދައްކުވައިދީފައިއެވެއެވެ. މި ލަވައިގެ ބެކްގްރައުންޑް އިން ގިނަ އަދަދެއްގެ ނެށުންތެރިންވެސް ފެނިގެން ދެއެވެ.
"ތިލަސްމީ ބަހޭ" ކިޔާ މި ލަވައިގެ މިއުޒިކް ވެސް ބަންސާލީ ހަދާފައިވާ އިރު، ލަވަ ކިޔާފައި ވަނީ ޝަރުމިސްތާ ޗެޓަޖީ އެވެ. މި ލަވައިން ވެސް މި މި ވެބް ސީރީޒް ތަފާޓު ވެގެން ދާނެކަން އެނގެއެވެ. "ތިލަސްމީ ބަހޭ" އަކީ "ހީރާމަންޑީ" އިން އާންމުކުރި ދެވަނަ ލަވަ އެވެ. މިދިޔަ މަހުގެ ތެރޭގައި އާންމުކުރި ސީރީޒްގެ ފުރަތަމަ ލަވަ އަކީ "ސަކަލް ބަން" އެވެ.
"ހީރާމަންޑީ" ގެ މައިގަނޑު ކާސްޓްގައި ސޮނާކްޝީ ސިންހާ، މަނީޝާ ކޮއިރަލާ، ރިޗާ ޗައްޑާ، އަދިތީ ރާއޯ ހައިދްރީ، ސަންޖީދާ ޝެއިހް އަދި ޝަރުމިން ސޭގަލް ހިމެނެ އެވެ.
އެހެން ކަމުން އަދި މިފަދަ ބެލުންތެރިންން ހައިރާން ކޮށްލާނެ އެރަށް ވީޑިއޯއެއް ނުވަތަ ލަވައެއް ފެނިގެންދާނެ ކަމަށް ބެލެވެއެވެ. މި ވެބް ސީރީޒް ގެ ކާސްޓުގައި ތިބީ ވަރަށް ހުނަރުން ފުރިގެން ވާ ތަރިން ތަކެކެވެ.
މެއި މަހުގެ 1 ގައި ނެޓްފްލިކްސް އިން ޕްރީމިއާކުރަން ހަމަޖެހިފައިވާ މި ސީރީޒް އަކީ ނެޓްފްލިކްސް އަށް ހަދާ 8 އެޕިސޯޑްގެ މި ވެބް ސީރީޒްއެކެވެ. މީގައި ކިޔައިދެނީ އިންޑިއާ އަށް މިނިވަންކަން ލިބުމުގެ ކުރިން އަދި ގައުމު ބައިބައިވުމުގެ ކުރިން، ލާހޯރްގެ ރެޑް ލައިޓް އޭރިއާގައި އުޅުނު ޝާހީ ޖާރިޔާއިންގެ ވާހަކަ އެވެ.
