2001 ވަނަ އަހަރު ގެެނެސްދިން ކާމިޔާބު ފިލްމް "ނާޔަކް" ގެ ދަވަނަ ބައެއް ހަދަން އުޅޭ ކަމަށް މީޑީއާއިން ބުނެފިއެވެ.
ނާޔަކް އަކީ ޑައިރެކްޓަރު އެސް ޝަންކަރް ގެނެސްދިން ގިނަ ބަޔަކަށް ވަރަށް ކަމުދިއަ ފިލްމްއެކެވެ. މި ފިލްމްގެ ލީޑުން ފެނިގެން ގޮސްފައިވަނީ އަނިލް ކަޕޫރު އާއި ރާނީ މުކަރުޖީއެވެ. ފިލްމްގެ މުހިންމު ރޯލަކުން އޮމްރިޝް ޕޫރީ ވެސް ފެނިގެންދެއެވެ.
ސިޔާސީ ކަންތަށްގަނޑެއް ދައްކުވައިދޭ މި ފިލްމްގައި ކޮރަޕްޝަން އާއި ދެކޮޅަށް އަޑުއުފުލައި، ކޮރަޕްޝަން ނައްތާލުމަށްޓައި ކުރާ މަސައްކަތުގެ ސަބަބުން ދިމާވާ ހާދިސާ ތަކެއް ދައްކުވައިދެއެވެ.
"ނާޔަކް" ގެ ދެވަނަ ބައެއް ހަދަން އުޅޭ ކަމަށް އަޑު ފެތުރިފައި މިވަނީ މިފަހުން އަނިލް ކަޕޫރު އާއި އެކުގައި ފިލްމްގެ ޑައިރެކްޓަރު ފެނުމާއި ގުޅިގެންނެވެ. އަނިލް ގެ ގެއިން އެދެމީހުން ނުކުތުމަށް ފަހު ވަނީ މީޑިއާ އަށް ފޮޓޯ ނެގުމުގެ ފުރުސަތުވެސް ދީފައިއެވެ.
އެންމެ ފަހުން އަނިލް ފެނިގެން ގޮސްފައިވަނީ ފައިޓާ އިންނެވެ. ރިތިކް ރޯޝަން އާއި ދީޕިކާ ޕަދުކޯން ލީޑުން ފެނިގެންދާ މި ފިލްމް މިހާރު ނެޓްފްލިކްސް އިން ބަލައިލެވޭނެއެވެ.
