ވެރިކަމުގައި އޮތް ޕީޕީއެމް/ޕީއެންސީގެ ލަޝްކަރު ވަރުގަދަ ކުރައްވަން ރައީސް ޑރ. މުހައްމަދު މުއިއްޒު މަސައްކަތް ކުރައްވާނެ ކަމުގައި ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ރޭގައި ވިދާޅުވެއްޖެއެވެ.
ޕީޕީއެމް/ޕީއެންސީ އަށް އެއްވެސް ދިރުމެއް ދެއްވުމަށް ރައީސް ޑރ. މުއިއްޒު ބޭނުންފުޅު ނުވާ ކަމަށް ކުރީގެ ރައީސް އަބްދުﷲ ޔާމީން ވިދާޅުވެފައިވެފައިވާތީ ސަރުކާރުގެ ބައެއް އިސް މަގާމުތަކުގައި ތިއްބެވި ބޭފުޅުންނާއި ޕީޕީއެމް/ޕީއެންސީގެ ލީޑަޝިޕްގައި ތިއްބެވި ބޭފުޅުން ގެންދަވަނީ ޔާމީނަށް ވަރަށް ބޮޑަށް ފާޑު ވިދާޅުވަމުންނެވެ.
PPM/PNC ge laskaru magumathi nukoh Inthihaab boycott nukoh, dhiveheenge raaje ah dhathuru kurumah hiyvaraa keitheri kamaaeku masaikai koh inthihaab kaamiyaabu kureh vi adhu ge Raees @MMuizzu PPM/PNC laskaru varugadhakoh gaumu binaakurumah dhemihunna vaane, IA.
— Fazul Rashyd (@FaZuLRaShYd) March 29, 2024
ޔާމީން ދެއްކެވި ވާހަކަފުޅަށް ރައްދު ދެއްވަމުން ފަޒުލް "އެކްސް" ގައި ކުރެއްވި ޕޯސްޓެއްގައި ވިދާޅުވީ ރިޔާސީ އިންތިހާބު ބޮއިކޮޓް ނުކުރުމަށް ޕީޕީއެމްގެ ލީޑަޝިޕުން ނިންމި ނިންމުމާ އެއްގޮތަށް އެ އިންތިހާބުގައި ވާދަކުރައްވައި ރައީސް މުއިއްޒު ވަނީ ދިވެހިންގެ ރާއްޖެ ދިވެހިންނަށް ހޯއްދަވައި ދެއްވުމުގެ މަސައްކަތް ފައްޓަވާފައި ކަމަށެވެ.
އަދި ޕީޕީއެމްގެ ލަޝްކަރު މަގުމަތިކޮށްލުމަކީ ރައީސް ޑރ. މުއިއްޒު ކުރައްވާނެ ކަމެއް ނޫން ކަމަށް ފަޒުލް ވިދާޅުވިއެވެ.
"ރައީސް ޑރ. މުޢިއްޒު ޕީޕީއެމްގެ ލަޝްކަރު ވަރުގަދަކޮށް ގައުމު ބިނާކުރުމަށް ދެމިހުންނަވާނެ." ފަޒުލް ވިދާޅުވިއެވެ.
