މިދިއަ އަހަރު ފަސްޓްލުކް ޕޯސްޓަރު ދައްކައިލައިފައިވާ ވެބް ސީރީޒް "ހީރާމަންޑީ: ދަ ޑައިމަންޑް ބާޒާރު" އަންނަ މެއި މަހުގެ 1 ގައި ޕްރީމިއާކުރާ ގޮތަށް ނިންމައިފި އެވެ.
ބޮލީވުޑްގެ ކުޅަދާނަ ޑައިރެކްޓަރު ސަންޖޭ ލީލާ ބަންސާލީގެ ފުރަތަމަ ވެބް ސީރީޒް "ހީރާމަންޑީ" ގެ މައިގަނޑު ކާސްޓްގައި ސޮނާކްޝީ ސިންހާ، މަނީޝާ ކޮއިރަލާ، ރިޗާ ޗައްޑާ، އަދިތީ ރާއޯ ހައިދްރީ، ސަންޖީދާ ޝެއިހް އަދި ޝަރުމިން ސޭގަލް ހިމެނެ އެވެ.
މީގެ ޓީޒާ ޓްރެއިލާއަކާއި ޕޯސްޓަރު ގެ އިތުރުން ލަވައެއް ވެސް ކުރިން އާންމުކޮށްފައިވާ އިރު، މިއީ ވަރަށް ގިނަ ބަޔަކު އިންތިޒާރު ކުރަމުން އަންނަ އެއްޗެކެވެ. ޕޯސްޓަރު އަދި ލަވަ އަށް ވެސް ބެލުންތެރިންގެ ބޮޑު ޝައުގުވެރިކަމެއް ވަނީ ލިބިފައިވެސް މެއެވެ.
ނެޓްފްލިކްސް އަށް ހަދާ 8 އެޕިސޯޑްގެ މި ވެބް ސީރީޒްގައި ކިޔައިދެނީ އިންޑިއާ އަށް މިނިވަންކަން ލިބުމުގެ ކުރިން އަދި ގައުމު ބައިބައިވުމުގެ ކުރިން، ލާހޯރްގެ ރެޑް ލައިޓް އޭރިއާގައި އުޅުނު ޝާހީ ޖާރިޔާއިންގެ ވާހަކަ އެވެ.
ކޮމެންޓު ފޮނުވާ