ފޭރުމުގެ މައްސަލަތަކެއްގައި މާލެއިން 3 މީހަކު ހައްޔަރު ކޮށްފިއެވެ.
ފުލުހުން ބުނެފައިވަނީ މީގެ ތެރޭގައި ހިމެނޭ އެއް މައްސަލައަކީ ކަތަރުން ބިރު ދެއްކުމުގެ މައްސަލައެއް ކަމުގައެވެ. މި މައްސަލާގައި ހައްޔަރު ކޮށްފައިވަނީ، ކަޓަރުން ބިރު ދައްކައިގެން 17 އަހަރުގެ ކުއްޖެއްގެ މީބައިލް ފޯނު ފޭރުގަތްކަމުގެ ތުހުމަތުގައި 41 އަހަރުގެ ދިވެހި ފިރިހެނެކެވެ.
ކުރިމިނަލް ކޯޓުންވަނީ އޭނާގެ ބަންދަށް 15 ދުވަސް ޖަހާފައެވެ.
ފޭރުމުގެ ދެވަނަ މައްސަލާގައި ހައްޔަރު ކުރީ 43 އަހަރުގެ ދިވެހި ފިރިހެނެކެވެ. އޭނާ ހައްޔަރު ކޮށްގައިވަނީ ބިދޭސީއެއްގެ ފޭރުމުގެ ތުހުމަތުގައެވެ. އޭނާގެ ބަންދަށްވެސް ވަނި 15 ދުވަސް ޖަހާފައެވެ.
އޭގެ އިތުރުން މާލޭގެ ކެފޭއެއްގެ ތެރެއަށް ވަދެ އެތަނުގައި މަސައްކަތް ކުރަމުންދިޔަ މީހުންނަށް ބިރު ދެއްކި މައްސަލައެއްގައިވެސް 26 އަހަރުގެ ދިވެހި ފިރިހެނަކު ހައްޔަރު ކޮށްފައިވެއެވެ. އެމީހާގެ ބަންދަށް ޖަހައިދީފައިވަނީ 10 ދުވަހެވެ.
ކޮމެންޓު ފޮނުވާ