ނުކުޅެދުންތެރިކަން ހުންނަ ކުދީންނަށް ކިޔަވާދޭ އިތުރު ޓީޗަރުން މިއަހަރުގެ މެދުތެރޭ ތަމްރީންކުރަން ފަށާނެކަމުގައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ ރައީސް އޮފީހުން ގެނެސްދޭ "ރައީސްގެ ޖަވާބު" ސިލްސިލާގެ މިއަދުގެ ސެގްމަންޓުގައި، ނުކުޅެދުންތެރިކަން ހުންނަ ކުދީންނަށް އުނގަންނައިދޭން ޚާއްޞަ ޓީޗަރެއްކަމުގައިވާ، މ.މުލަކު، ސޯސަންވިލާ، ޢާއިޝަތު ޝައުފާ، އެ ދާއިރާގެ ޓީޗަރުން މަދުކަމާ، ލިބެމުން އައި ޚާއްޞަ އެލަވަންސާމެދު ދެންނެވި ސުވާލަށް ޖަވާބު ދެއްވަމުންނެވެ.
ޢާއިޝަތު ޝައުފާ ބުނެފައިވަނީ "ސެން" (ސްޕެޝަލް ނީޑްސް) ކިޔަވައިގެން ތިބި ޓީޗަރުން މަދު ކަމަށާއި، ސްކޫލްތަކުން އިއުލާންކޮސްގެންވެސް މިފަދަ ޓީޗަރުން ލިބުން ދަތި ކަމަށާއި އެހެންނަމަވެސް ޚާއްސަ އެހީއަށް ބޭނުންވާ ކުދިންގެ އަދަދު ދަނީ އިތުރުވަމުން ކަމަށެވެ.
ދެން އަނެއްކަމަކީ އެލަވަންސްގެ ވާހަކަ، ނުވަތަ ރިސްކު އެލަވަންސް. މި ދިޔަ ސަރުކާރުން ފެށިގެން މިހާރު އަމަލު ކުރަމުންދާ ޕޭ ޕްރޭމްވާރކގެ ސަބަބުން ބަދަލެއް އައިސްފަ އޮތީ. އެހެންނަމަވެސް އަޅުގަޑު ދަންނަވާލަން ބޭނުންވަނީ އިރާދަ ކުރެއްވިއްޔާ ތި ވިދާޅުވި ކަންތަކުގަ ސެން ޓީޗަރުންނަށް ރިސްކު އެލަވަންސް ނޫނިއްޔާމު ޚާއްސަ އިތުރު އިނާޔަތެއް، ފައިސާގެ އިނާތެއް ލިބޭނެގޮތް އިރާދަ ކުރެއްވިޔާ ސަރުކާރުން ހަމަޖައްސަ ދޭނެ.
ކޮމެންޓު ފޮނުވާ