"ބިންވެރިޔާ" އަދި "ގެދޮރުވެރިޔާ" ސްކީމްއާއި ގުޅިގެން ހުށަހާޅާ މައްސަލަތަކާއި އަދި ނިންމަންޖެހޭ ނިންމުންތައް ނިންމުމަށް، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ލަފާފުޅުގެ މަތިން އުފެއްދި "ހައުސިން ކޮމިޓީ"ގެ މުހިންމު ނިންމުންތައް ނިންމުމުގައި މާލެ ސިޓީ ކައުންސިލްގެ ބައިވެރިވުން ހިމެނުމަށް އިތުރު ކޮމެޓީއެއް ހައުސިން މިނިސްޓްރީން އުފައްދައިފި އެވެ.
ގެދޮރުވެރިކަމާއި ބިމާއި އުމްރާނީ ތަރައްގީއާ ބެހޭ ވުޒާރާ އިން ބުނީ "ހައުސިން ކޮމިޓީ"ގެ މުހިންމު ނިންމުންތައް ނިންމުމުގައި މާލެ ސިޓީ ކައުންސިލްގެ ބައިވެރިވުން ހިމެނުމަށް ބޭނުންވާތީ މި ކޮމިޓީ އުފެއްދީ މިިނިސްޓްރީ އޮފް ސިޓީސް ލޯކަލް ގަވާމަންޓް އެންޑް ޕަބްލިކް ވާކްސްގެ މަޝްވަރާގެ މަތީން ކަމުގައެވެ.
މާލެ ސިޓީގެ ފަސް ކައުންސިލަތުން ހިމެނޭ ގޮތަށް އުފެއްދި މި ކޮމިޓީ އުފެއްދީ މިނިސްޓަރު ޑރ. އަލީ ހައިދަރު ކަމަށްވެސް ހައުސިން މިނިސްޓްރީން ބުނެފައި ވެއެވެ.
މި ކޮމެޓީގައި ހިމެނޭ 5 ކައުންސިލަރުންނަކީ؛
- މަރިޔަމް ނާޒިމާ މުހައްމަދު ފާއިޒް
- އާއިޝަތު ނިޒްލީ ރަޝީދު
- އަހްމަދު އައިފާން
- ހަސަން ނިޒާމް
- މުހައްމަދު އަރީޝް
މި ކޮމެޓީގެ ފުރަތަމަ ބައްދަލްވުން ބޭއްވުމަށް ހަމަޖެހިފައިވަނީ މި މަހުގެ 17 ވަނަ ދުވަހުއެވެ. މިކޮމިޓީގެ ސެކްޓްރިއޭޓްވެސް ބަލަހައްޓާނީ ވުޒާރާ އިންނެވެ.
"ބިންވެރިޔާ" އަދި "ގެދޮރުވެރިޔާ" ސްކީމްއާއި ގުޅިގެން ހުށަހާޅާ މައްސަލަތަކާއި އަދި ނިންމަންޖެހޭ ނިންމުންތައް ނިންމުމަށް، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ލަފާފުޅުގެ މަތިން "ހައުސިން ކޮމިޓީ" އުފެއްދީ ފަސް މެންބަރުން ހިމެނޭ ގޮތުންނެވެ. ކޮމެޓީގައި ހިމެނެނީ؛
- އަނީސާ އަހްމަދު
- އާމިނަތު އީނާސް
- އަހްމަދު އަލީ މަނިކު
- އަބްދުލްއަޒީޒް ޔޫސުފް
- މަރިޔަމް ފިޒާނާ ރަޝީދު
