މޯލްޑިވްސް ކަސްޓަމްސް އިއްޔެ އެކަނިވެސް 78 ޓަނުގެ މޭވާ އާއި ތަރުކާރީ ކްލިއާ ކޮށްފައިވާކަމަށް އެ އިދާރާއިން ބުނެފިއެވެ.
ކަސްޓަމްސްއިން އެކްސްގައި ކުރި ޕޯސްޓެއްގައި ބުނީ ރާއްޖެ އެތެރެކޮށްފައިވާ 78 ޓަނުގެ މޭވާއާއީ ތަރުކާރީ ކްލިއާކޮށްފައިވަނީ އިއްޔެގެ 15:30 އިން 20:00 ގެ ނިޔަލަށެވެ.
ތެރެއިން ރަމަޟާންމަހަށް ބޭނުންވާނެ ސާމާނު ކްލިއާ ކޮށްފައިވަނީ ކަސްޓަމްސްގެ ކޮމިޝަނަރު ޖެނެރަލް ޔޫސުފް މާނިއުގެ އިރުޝާދުގެ ދަށުން ކަމަށެވެ.
In a special effort, yesterday, we were able to clear 78 tonnes of perishable items! Acting under CG @yoosufmaaniu’s special instruction, exclusive clearance hours from 15:30-20:00 were dedicated yesterday to ensure the rapid clearance of essentials for the Holy Month of Ramadan pic.twitter.com/SySH7ughOC
— Maldives Customs Service (@CustomsMv) March 9, 2024
ކަސްޓަމްސްއިން ބުނެފައިވަނީ "އެކްްސް ކުލޫސިވް ކުލިއަރޭންސް"ގެ ގަޑިއަކީ ރޯދަމަހާއި ދިމާކޮށް ކުލިއަރ ކުރުން އަވަސްކުރުމަށް ހަމަޖައްސާފައިވާ ވަގުތެއް ކަމުގައެވެ.
ކުލިއާ ކުރި މޭވާ ތަކުރާރީގެ ބާވަތްތަކުގެ ތެރޭގައި އަލުވި، ޓޮމާޓޯ، ފަޅޯ، ކެބެޖު، ދޮންކެޔޮ، ކަރާ، ކިޔުކަންބާ އަދި އަނބުގެ އިތުރުން އެހެނިހެން ބާވަތްތައް ހިމެނޭ ކަމަށް ކަސްޓަމްސްއިން ބުނެއެވެ.
