ރާއްޖޭގެ ބޯޑަރ ކޮންޓްރޯލް ކުރުމަށް އެހީތެރިވެ ދިނުމުގެ ގޮތުން ޖަޕާން ސަރުކާރުން ރާއްޖެއަށް ދިން ކާރެެއްގައި ސްޕެއަރ ލައްވާ، ކާރަށް ކަސްޓަމްސްއިން ބަދަލު ގެނެއުމާއި ގުޅިގެން އާންމުންގ ފާޑުކިއުން އަމާޒުވުމުން ކާރަށް ލެއްވި ސްޕެއަރތައް ނެގުމަށް ކަސްޓަމަސްއިން ނިންމަފައިފިއެވެ.
ޖަޕާން ސަރުކާރުން ރާއްޖެއަށް އެހީގެ ގޮތުގައި ދީފައިވާ މަޒްޑާ ސެޑާން މޮޑެލްގެ ކާރަކީ 2023 ވަނަ އަހަރުގެ އެޕްރިލްމަހުގެ 18 ވަނަ ދުވަހު ރާއްޖެއަށް ދިން އެހީގެ ޕެކޭޖުގައި ހިމެނޭ ކާރެކެވެ. ރާއްޖޭގެ ބޯޑަރ ކޮންޓްރޯލްކުރުމަށް އެހީތެރިވެދިނުމުގެ ގޮތުން އޭރު ކަސްޓަމްސްއާއި ހަވާލުކުރީ އެއްގަމު އުޅަނދުތަކާއި ބައެއް ސާމާނުތަކެވެ. މި އެހީގެ ޕެކޭޖުގެ އަދަދު 4.68 މިލިއަން ޑޮލަރަށް އަރައެވެ.
ބައެއް ސްޕެއަރތައް ލައްވާ ޑިޒައިނަށް ބަދަލުގެނެސްފައިވާ ކާރުގެ ފޮޓޯތައް ސޯޝަލް މީޑިއާގައި އާންމުވާން ފެށުމާއެކު، ފާޑުކިޔަން ފެށި ބައެއް ފަރާތްތަކުން ބުނެފައިވަނީ، ސަރުކާރުގެ ކާރަކަށް އަމިއްލައަށް ބޭނުންވާ ސްޕެއަރތައް ލައްވައިގެން އޭގެ ޑިޒައިނަށް ބަދަލު ގެނެވިގެން ނުވާނެ ކަމުގައެވެ.
އަދި އަމުދުން ބޭރުގެ ގައުމަކުން އެހީގެ ގޮތުގައި ދީފައިވާ ކާރެއްކެ ޑިޒައިނަށް، މަގުބޫލު އުޒުރަކާ ނުލާ، ޒީނަތްތެރި ކުރުމުގެ ގޮތުން އެކަނި، އަމިއްލައަށް ބޭނުންވާ ޑިޒައިނެއް ކާރަށް ގެނަމަށް "މޮޑިފައި" ކުރުމަކީ ކުރެވިގެންވާނެކަމެއް ނޫންކަމުގައި ބުނެ އާންމު ފަރާތްތަކުގެ ފާޑީކިއުން ކޮމިޝަނަ ޖެނެރަލް އޮފް ކަސްޓަމްސް މާނިއުއަށް އަމާޒުވެގެން ދިޔައެވެ.
އެއަށްފަހު. މާނިއު ކުރެއްވި އެކްސް ޕޯސްޓެެއްގައި ވިދާޅުވީ އާންމުންގެ ހިންހަމަނުންތަކާއި ގުޅިގެން، ކާރަށް ލައްވާފައިވާ ރަންކުލައިގެ ރިމް އަލުން ނެގުމަށް ނިންމާފައިވާ ކަމުގައެވެ. އަދި އޭނާ ވިދާލުވީ ކާރުގެ ސްޕެއަރ ބަދަލުކުރީ އޭނާގެ އަމިއްލަ ޚަރަދުގައި ކަމުގައެވެ. އަދި ކާރު އޭގެ އަސްލަށް ބަދަލުކުރާނެކަމަށް ވިދާޅުވަމުން އޭނާވަނީ ކާރަށް ބަދަލު ގެނެވުނު ކަމަށްޓަކާ މާފަށް އެދޭކަމަށް ވިދާޅުވެފައެވެ.
