ރައީސް ޑރ. މުޢިއްޒު ކަނޑައަޅުއްވާފައިވާ މަސްވެރިކަމުގެ ސިޔާސަތު ތަންފީޒު ކުރުމަށް ވުޒާރާއިން ކުރަމުންދާ މަސައްކަތުގެ ތެރެއިން ރާއްޖޭގައި ފީނައިގެން އެންވެރިކަން ކުރާ ކޮންމެ އޮޑިއަކުން މަދުވެގެން އެއް ފަޅުވެރިއަކު ރެސްކިއު ޑައިވަރ ފެންވަރަށް ތަމްރީނު ކުރުމަށް ހިންގާ ޕްރޮގްރާމުގެ އެހީގައި ސ. އަތޮޅުގެ 11 ދޯނިން 11 ފަޅުވެރިއަކު ރެސްކިއުޑައިވަރ ކޯސް ފުރިހަމަކޮށްފިއެވެ.
ފިޝަރީޒް މިނިސްޓްރީން ކުރި އެކްސް ޕޯސްޓެއްގައި ވިދާޅުވީ ރެސްކިއު ޑައިވަރ ކޯސް ކުރިއަށް ގެންދިއުމަށް ސ. މަރަދޫ ކައުންސިލާ އިދާރާތަކުން މި ވުޒާރާއަށާއި އިންސްޓްރަކްޓަރުންނަށް ދެއްވި އެއްބާރުލުމާ އެހީތެރިކަމަށް ޝުކުރު ދަންނަވާ ކަމުގައެވެ.
މިފަހަރު ކޯސް ފުރިހަމަ ކުރި ފަރާތްތަކަކީ: 1.ހުސެއިން ރިފާޛް / ކޮންކޯޑް 2 2.ޢަލީ ޝަރީފް / އާޝާން 3.ޢަލީ ރަމީޒް / ޖޫލީ 4.ޙުސެއިން ނާހިދު / ޒީޝާން 5.މޫސާ ނަޒްލީން / ކެރަނގަ 6.ޙަސަން ސަމާހު / ރަސްކުރި 7.މުޙައްމަދު އަމްޖަދު / ޕާލް 8.އަބްދުﷲ ހަމްދޫން / ރަހާ 9.އަބްދުﷲ އަޒްމީން / ފެމިނާ 10.މުޙައްމަދު ޔާފިއު / ވިޝަން 11.އަބްދުލް ޣަފޫރު / ރޫބީ
