އެކްޓަރ ޝާހިދު ކަޕޫރުގެ އަންހެނުން މީރާ ރާޖްޕުތަކީ އިންސްޓަގްރާމުން އިންޑިއާގައި މިހާރު އެންމެ ހިނގާ އެއް ނަމެވެ. އިންސްޓަގްރާމުގައި "ދަ އިންޑިއަން އެޑިޓް"ގެ ނަމުގައި މީރާ ހުށައަޅައިދޭ ސީރީޒަކީ މީގެ މައިގަނޑު ސަބަބެވެ.
ދެ ކުދިންގެ މަންމައެއް ކަމުގައިވާ މީރާ ރާޖްޕުތް ދަނީ ދިރިއުޅުމުގައި އަލަށް ކަންކަންކުރަން ފެށުމާއި، ސާފުތާހިރުކަމާއި، ކެއިން ބުއިމާއި ކަސްރަތާއި އަދި ޔޯގާއާއި ގުޅޭގޮތުން އެދާއިރާއެއްގައި މަޝްހޫރު މީހުންގެ އެހީގައި އޭނާގެ ފޮލޯވަރުންނަށް މައުލޫމާތު ދީ އެމީހުންގެ ސުވާލުތަކަށް ޖަވާބުދެމުންނެވެ.
މި ސީރީސްގައި މީރާ އަބަދުވެސް ލައިފާ ހުންނަނީ އޭނާ އަމިއްލައަށް ޑިޒައިން ކުރާ ހެދުންތަކެވެ. 26 އަހަރުގެ މީރާ އޭނާގެ އެންމެ ފަހުގެ ސެޝަނުގައި ލައިގެން ހުރީ ކަޅުކުލައިގެ "ބަންދޭޖް" ތައްގަނޑު ޖަހާފައިވާ ދިގު ހެދުމެކެވެ. މަޑު ފިޔާތޮށި ކުލައާއި ދަނބު ކުލައިން ކަރު ހަދައި، އަތުގެ ތިރީގައި ފިޔާތޮށި ކުލައިގެ މަލެއް ޖަހާފައިވެއެވެ. މި ޓީޝާޓް ހެދުން ހަދާފައިވަނީ ޖައިޕުރްގެ ބްރޭޑްއެއް ކަމަށްވާ "އާޕްރޯ" އިންނެވެ.
View this post on Instagram
ގިނަ ބައެއްގެ ޝަޢުގުވެރިކަން ދަމައިގަނެފައިވާ މީރާގެ މި ހެދުމަކީ ރޭގަނޑުގެ ޑޭޓަކަށް ދިއުމަށް ވަރަށް ފުރިހަމަ ހެދުމެކެވެ. މި ހެދުމާއެކު މީރާ ކަންފަތުގައި އަޅިކުލައިގެ ކުޅަނދުރެއް ހެން ހަދާފައިވާ ކަންފަތުލާއެއްޗެއް ލައްވާފައި ހުރިތަން އޭނާގެ އިންސްޓާގުރާމުގައި ޕޯސްޓް ކޮށްފައިވާ ފޮޓޯއިންފެނެއެވެ. އަދި އިސްތަށިގަޑު ފަހަތަށް އައްސާފައިވާއިރު ކޮށްފައިވަނީ ވަރަށް ފަސޭހަ ނޫޑް މޭކަޕްއެކެވެ. މި ހެދުމުގެ އަގަކީ 900 ރުޕީސްއެވެ.
މީރާ ރާޖްޕުތު ބޮޑަށް މަޝްހޫރު ވެގެންދިޔައީ އެކްޓަރު ޝާހިދް ކަޕޫރް އާއި 2015 ވަނަ އަހަރު ކައިވެނި ކުރުމުންނެވެ.
