މި ސަރުކާރުން އެއްވެސް ފައިސާއެއް މަސްވެރިންނަށް މިހާތަނަށް ދީފައެއްނުވޭ، ވެރިން އުޅެނީ ހަނީމޫންގަ: ސޯލިހު

މި ސަރުކާރުން ދައުލަތުގެ ބަޖެޓުން އެއްވެސް ފައިސާއެއް މަސްވެރިންނަށް މިހާތަނަށް ދީފައި ނުވާ ކަމަށާއި، ސަރުކާރުގެ ވެރިން އުޅެނީ ހަނީމޫންގައި ކަމަށް ކުރީގެ ރައީސް ސާލިހު ވިދާޅުވެއްޖެއެވެ.

ރައީސް ޞާލިޙް މިހެން ވިދާޅުވީ، ރައްޔިތުންގެ މަޖިލީހަށް އެމްޑީޕީގެ ޓިކެޓުގައި ތ. ތިމަރަފުށީ ދާއިރާ އަށް ވާދަކުރައްވާ ފަތުހުﷲ ޖަމީލުގެ ކެމްޕޭނު ޖަލްސާއެއްގައި ވާހަކަފުޅު ދައްކަވަމުންނެވެ.

މި ކެމްޕޭން ޖަލްސާގައި ވާހަކަ ދައްކަވަމުން ރައީސް ސާލިހު ވިދާޅުވީ

ރައީސް ޞާލިޙް ވިދާޅުވީ، މަސްވެރިންނަށް ދޭންވާ ފައިސާކޮޅު ނުދޭތާ މި ސަރުކާތަށް ތިން މަސް ދުވަސް ވީއިރު، އެމަނިކުފާނުގެ ވެރިކަމުގައި ފާސްކުރި، ސަޕްލިމެންޓަރީ ބަޖެޓުގައި ހިމެނި ފައިސާ ނޫން ފައިސާއެއް މި ސަރުކާރުން މަސްވެރިންނަށް ދީފައިނުވާ ކަމަށެވެ.

އަދި ރައީސް ސާލިހު ވިދާޅުވީ، ސަރުކާރުން މަސް ވިއްކައިގެން ލިބުނު ފައިސާ ވީތަނެއް އެނގެންޖެހޭ ކަމަށެވެ. ރައީސް ސޯލިހު ވިދާޅުވީ މި ސަރުކާރުގައި ތިއްބެވި ބޭފުޅުންނަށް ސަރުކާރު ހިންގަން އަދި ފައިސާ ގެންގުޅެންވެސް ނޭގޭ ކަމަށާއި، މަސްވެރިންނަށް ފައިސާ ދިނުމުގައި ގެންގުޅެނީ ދޯދިޔާ ސިޔާސަތެއްކަމުގައެވެ. އަދި ވިދާޅުވީ މަސްވެރިންނަށް ފައިސާ ދިނުމުގެ ބަދަލުގައި ސަރުކާރުގެ ވެރިން އުޅެނީ ހަނީމޫން ދަތުރުތަކުގައި ބިޒީކޮށް ކަމުގައެވެ.

ދެން މުޅި ދުނިޔެ ވަށާ ހަނީމޫނެއްގައި ދަތުރުތަކެއް ކުރެއްވީ. މަސްވެރިންނަށް ފައިސާ ނުދައްކާ 48 މީހުންނާއެކު ވަޑައިގެން ހުންނެވީ ދުބާއީގައި. މިއަދު ވެސް ކެމްޕޭނު ކުރައްވަމުން އެ ގެންދަވަނީ 40 އަށް ވުރެ ގިނަ ބޭފުޅުންނާއެކު ސަރުކާރުގެ ހަރަދުގައި. އެ ފައިސާ ފުރަތަމަ މަސްވެރިންނަށް ނޫންތޯ ދޭންވީ.

ސޯލިހު ވިދާޅުވިއެވެ.

ރައީސް ސާލިހު އިތުރަށް ވިދާޅުވީ މި ސަރުކާރުގެ ވެރިކަމާ ހަވާލުވެ އެންމެ ފުރަތަމަ ވެސް ކުރަން ފެށި ކަމަކީ ވެރިން ދުއްވާނެ ކާރުތަކެއް ހޯދުން ކަމަށާއި، އެހެންނަމަވެސް ސަރުކާރެއް ހިންގާއިރު އަމަލުކުރާންޖެހޭ ތަރުތީބުތައް ހުންނަކަމުގައެވެ.

މި ސަރުކާރުން މަސްވެރިންނަށް އެއްވެސް ފައިސާއެއް ނުދޭކަމަށް ރައީސް ސާލިހު ތުހުމަތު ކުރައްވާފައިވާއިރު، މަސްވެރިންނަށް މިސަރުކާރުން ދޭން ޖެހިފައިވާ 280 މިލިއަން ރުފިޔާ ނުލިބިގެން މަސްވެރިން އިހުތިޖާޖު ކުރަމުންދާތާ 4 ދުވަސް ފަހުން ސަރުކާރުން މަސްވެރިންނަށް ފައިސާ ދޫކުރަން ވަނީ ފަށާފައެވެ. އެގޮތުން، މައުލޫމާތު ލިބިފައިވާ ގޮތުގައި ސަރުކާރުން މިއަދާއި މާދަމާ މަސްވެރިންނަށް ޖުމްލަ 70 މިލިއަން ރުފިޔާ ދޫކުރާނެއެވެ.