މިއަދު ފާހަގަ ކުރަމުންދާ ޗައިނާގެ އާ އަހަރުގެމުނާސަބަތުގައި ޗައިނާގެ ރައްޔިތުންނަށް ރައީސް މުއިއްޒު ތަހުނިޔާ ފޮނުއްވައިފިއެވެ.
ޗައިނާއިން ފާހަގަކުރާ 'ލޫނާ ނިއު އިޔާ' ނުވަތަ ހަނދުމަހުން ފާހަގަކުރާ އާ އަހަރާ ގުޅިގެން، ޗައިނާގެ ޝިންހުއާ ނިއުސް މެދުވެރިކޮށް ޗައިނާ ރައްޔިތުންނަށް ފޮނުއްވި ރައީސް ފޮނުއްވި ތަހުނިޔާގެ މެސެޖުގައި ވިދާޅުވީ، ޗައިނާގެ އާއަހަރު (އިޔަރ އޮގް ޑްރަގަން) ރަމްޒު ކޮށްދެނީ، އެއްބައިވަންތަކަމާއި، ހުކުމަތްތެރިކަމާއި އަދި އުފާ ފާގަތިކަން ކަމުގައެވެ.
އަދި ރައީސް ވިދާޅުވީ މި އުފާވެރި މުނާސަބަތުގައި، ޗައިނާއާއި ދުނިޔޭގެ އެކިކަންކޮޅުތަކުގައި، އަދި ރާއްޖޭގައި ތިބި ޗައިނާގެ ރައްޔިތުންނަށް އުފާވެރިކަމާއި ހިންހަމަޖެހުން ގެނެސްދީ އަދީ ފުރިހަމަ ކާމިޔާބީއަށް އެދިވަޑައިގަންނަވާ ކަމުގައެވެ.
އަަޅުގަޑާއި ދިވެހި އެންމެހާ ރައްޔިތުންގެ ފަރާތުން ވަރަށް އުފާވެރި އާ އަހަރަކަށް އެދެން.
ރައީސްގެ ވީޑިއޯ މެސެޖުގައި ވިދާޅުވެފައި ވެއެވެ.
ރައީސް މުއިއްޒު ވެރިކަަމަށް ވަޑައިގެންނެވުމަށްފަހު ޗައިނާއާއި ރާއްޖެއާ ދެމެދު އޮތް ގުޅުންވަނީ ވަރަށް ބޮޑަ ކުރިއަރާފައެވެ. އަދި ވަކީން ޚާއްސަކޮށް ރައީސް މުއިއްޒު ދާދިފަހުން ޗައިނާއަށް ކުރެވި ރަސްމީ ދަތުރުފުޅަށްފަގައި އެގައުމާއި ރާއްޖެއާދެމެދު އޮތް ގުޅުން އިތުރަށް ބަދަހިވެ، ރާއްޖެގެ ތަރައްގީއަށް ބޮޑެތި އެހީތަކެއް ވެދިނުމަށް ޗައިނާއިން ވަނީ ނިންމާފައެވެ.
އޭގެ ތެރޭގައި ސަރުކާރުން މިހާރު ހިއްކަމުންދާ ރަސްމާލޭގައި ކުރިޔަށް ގެންދާ ހައުސިން މަޝްރޫޢުތަކާއި، ޗައިނާއިން ފޯރުކޮށްދޭ ހިލޭ އެހީވެސް ހިމެނެއެވެ.
