ޑާކްރެއިން އެންޓަޓެއިންމަންޓުގެ ކުރިއަށް އޮތް ފިލްމު "ފުރޭތަ" ގެ މޯޝަން ޕޯސްޓަރެއް ދައްކައިލައިފިއެވެ.
އެ ސްޓޫޑިއޯ އިން ވަނީ ފިލްމުގެ މޯޝަން ޕޯސްޓަރެއް ވެސް އާންމުކޮށްފަ އެވެ. ކުރިން މި އަހަރުގެ ޖޫން އަށް ޕްލޭންކޮށްފައި އޮތް ފިލްމު ރޯދައިގެ ކުރިން ގެނެސްދޭން ނިންމައި، ފިލްްމުގެ ޓިކެޓް ބުކްކުރުމުގެ ފުރުސަތު ވެސް މި ވަނީ ހުޅުވާލައިފަ އެވެ. ހޮޓްލައިން ނަމްބަރަކީ 9911229 އެވެ.
View this post on Instagram
"ފުރޭތަ" ގެ ކާސްޓްގައި ޝަރަފު އަބްދުﷲ، ރަވީ ފާރޫގް، މުހައްމަދު މަނިކު، އަހުމަދު ސައީދު، އަހުމަދު ރިފްޝާން، އަހުމަދު ނާޝިތު، އަލީ ނަދީހު، އައިމިނަތު އަސީލާ އަދި އާދަމް ރިޒްވީ ހިމެނެ އެވެ.
ޑާކްރެއިން އެންޓަޓެއިންމަންޓުން ވަނީ މިއަހަރު އެމީހުންގެ ފިލްމު "ބީވީމާ" އޮލިމްޕަހަށް ގެނެއްސައެވެ. ފިލްމުގެ ކާމިޔާބީ އަށްފަހު ޑާކްރެއިންގެ އާ ފިލްމެއް ހަމަ މިއަހަރު އޮލިމްޕަހަށް ގެންނަން ވަނީ ނިންމާފައެވެ. އެއީ "ބަޅިނދު"އެވެ.
