ރާއްޖެއަށް ބޭނުންވާ ތަރައްގީ ގެނެވޭނީ "ދިވެހީންގެ ރާއްޖެ"އަށް މަޖިލިސް މެޖޯރިޓީ ލިބިގެން ކަމުގައި ރައީސް މުއިއްޒުގެ އިސް މުޝީރު އަބުދުއްރަހީމް ވިދާޅުވެއްޖެއެވެ.
އަބުދުއްރަހީމް މިހެން ވިދާޅުވީ ތ. ގުރައިދޫއަށް އަރީސް މުއިއްޒު މިހާރު ކުރައްވަމުން ގެންދަވާ ދަތުރުފުޅުގައި އެ ރަށުގައި ވާހަކަ ދައްކަވަމުންނެވެ.
ތ. ގުރައިދޫގައި ވާހަކަ ދައްކަވަމުން އަބުދުއްރަހީމް ވިދާޅުވީ ގުރައިދޫއަކީ ޕީއެންސީގެ ފިކުރުގައި މުޅި ރާއްޖެއިން އެއް ވަނައަށް ހޮވާލެވޭ ރަށް ކަމުގައެވެ.
ގުރައިދޫއަކީ މި ފިކުރުގައި މުޅި ރާއްޖެއިން އެއް ވަނައަށް ހޮވާލެވޭ ރަށް… އަޅުގަނޑުމެންގެ އެކަކު ވެސް ނުވާނެ އަޅުގަނޑުމެންގެ އަމިއްލަ ރަށުގެ ކުރިއެރުމާއި ތަރައްގީއަށް ވުރެ އެހެން ކަމަކަށް އިސްކަން ދޭކަށް. ތަރަައްގީއަށް ހުރަސް އެޅޭ ވިސްނުމަކަށް ޖާގަ ދެވޭ ކަމަށް ވަންޏާ އެ ނިކަމެތިކޮށްލެވެނީ އަޅުގަނޑުމެންގެ އަމިއްލަ ރަށުގެ ތަރައްގީ. އެ ހުރަސް އެޅެނީ ދަރިންގެ މުސްތަގުބަލަށް.
އަބުދުއްރަހީމް ވިދާޅުވިއެވެ.
އަބުދުއްރަހީމް ވިދާޅުވީ ރައީސް މުއިއްޒު ވައުދުވި ތަރައްގީ ގެނައުމަށް މަޖިހުގެ ތެރެއިން ގިނަ މަސައްކަތްތަކެއް ކުރަން ޖެހޭ ކަމުގައެވެ. އޭގެ ތެރޭގައި ގާނޫނުތައް އެކުލަވާލުމާއި ގަނޫނުތަކަށް އިސްލާހު ގެނައުންވެސް ހިމެނޭކަމަށް އަބުދުއްރަހީމް ވިދާޅުވިއެވެ.
އެ މަސައްކަތްތައް ފަސޭހަކަމާ އެކު ކުރެވޭނީ ދިވެހިންގެ ރާއްޖެއަށް ރައްޔިތުންގެ މަޖިލީހުގެ ތަނަވަސް އަގުލަބިއްޔަތެއް ލިބިގެން.
ކުރިޔަށް އޮތް މަޖިލިސް އިންތިޚާބުގައި ވެރިކަންކުރާ ޕީއެންސީއަށް މަޖިލިސް މެޖޯރިޓީ ލިބެންޖެހޭކަމަށް ވިދާޅުވަމުން އަބުދުއްރަހީމް ވިދާޅުވިއެވެ.
އަބުދުއްރަހީމް ރަށްރަށުގެ މެދުގައި އެއްވެސް ތަފާތު ކުރުމެއްނެތި ތަރައްގީ ގެނެސްދިނުމަށް ޕީއެންސީއަށް މަޖިލިސް މެޖޯރިޓީ ދޭން ޖެހޭކަމުގައެވެ.
