މަޝްހޫރު ކޮރެއޯގްރަފަރ އަދި ޕުރޮޑިއުސަރ ރެމޯ ޑިސޫޒާއަށް ހާޓް އެޓޭކެއް ޖެހިގެން މިދިޔަ ހުކުރު ދުވަހު ވަނީ އައިސީޔޫގައި ފަރުވާ ދީފައެވެ. ނަމަވެސް ރެމޯގެ ސިއްހީ ހާލަތު މިހާރު ރަނގަޅުވަމުންދާކަމަށް ރިޕޯޓުތައް ބުނެއެވެ.
ރެމޯގެ ގާތް ރަހުމަތްތެރިއެއްކަމަށްވާ އާމިރު އަލީ އޭނާގެ އިންސްޓާގުރާމުގައި ރެމޯގެ ފޮޓޯއެއް ހިއްސާކުރަމުން "އަހަރެންގެ ރަހުމަތްތެރިޔާ އައިސްފި" އިނގިރޭސިން ލިޔެފައިވެއެވެ. މި ފޮޓޯގައި ފެނިގެންދަނީ ހޮސްޕިޓަލުގައި ރެމޯ ޕޯސްއެއްދީގެން ހުއްޓައެވެ.
View this post on Instagram
ރެމޯގެ ސިއްހީ ހާލަތު ހުރިގޮތް މިނޫންވެސް އޭނަގެ ގާތް މީހުން ވަނީ ސޯޝަލް މީޑިޔާގައި ހިއްސާކޮށްފައެވެ. އެގޮތުން އިއްޔެގެ ވަގުތެއްގައި، ރެމޯގެ ދަރިވަރެއް ކަމުގައިވާ މޮޅު ނެށުންތެރިޔާ އަދި ކޮރެއޯގްރަފަރ ރާގަވް ޖުޔަލް ވެސް، ރެމޯގެ ހާލު ރަނގަޅު ކަމަށާއި އެއީ ވަރަށް ހިތްވަރުގަދަ މީހެއްކަމަށް ވަނީ ބުނެފައެވެ. އަދި ރަނގަޅު ވެގެން ރާގަވް އާއިއެކު ފަރުބަދަ ތަކުގައި ޗުއްޓީއަކަށް ދާން އަންނާނެކަމަށްވެސް އޭނާ ވަނީ ބުނެފައެވެ.
މީގެ އިތުރުން ރެމޯގެ ރަހުމަތްތެރިޔާ މަހޭޝް ކުކްރޭޖާ ވެސް އެކަކުވެސް ކަންބޮޑު ނުވުމަށާއި ރެމޯގެ ހާލަތު ރަނގަޅު ކަމަށް ބުނެފައިވެއެވެ.
"ޑާންސް އިންޑިއާ ޑާންސް" ގެ ޖަޖު އަދި ރެމޯގެ ދަރިވަރެއް ކަމުގައިވާ ދަރްމޭޝް ޔެލާންޑޭ ވެސް، މިތިބީ ރެމޯއާއިއެކު ހޮސްޕިޓަލްގައި ކަމަށާއި، އެތެރެއަށް ނުދެވުނަސް ރެމޯގެ އަނބިމީހާ ލިޒެލް އާއި ގުޅައިގެން ވާނުވާ ބަލާކަމަށް ވަނީ އިންޓަވިއުއެއްގައި ބުނެފައެވެ. އަދި ރެމޯގެ އޮޕަރޭޝަނެއްވެސް ކޮށްފައި ވާކަމަށާއި ވަރަށް އަވަހަށް ރަނގަޅު ވެގެން އަންނާނެކަމަށް ދަރްމޭޝް ވަނީ ބުނެފައެވެ.
ރެމޯގެ އަންހެނުން ލިޒެލް ޑިސޫޒާވެސް ގެންދަނީ އޭނާ އެޑްމިޓް ކުރިފަހުން ސަޕޯޓަރުންނަށް ރެމޯގެ ހާލަތު ސޯޝަލްމީޑިއާ މެދުވެރިކޮށް އަންގައިދެމުންނެވެ. އޭގެ ތެރޭގައި މަޝްހޫރު އިނގިރޭސީ ލަވަ "ބިލީވާ"އަށް ރެމޯ ފައިގެ ޑާންސް މޫވްމެންޓްތަކެއް ކުރަނިކޮށް، ހޮސްޕިޓަލްތެރޭ ނަގާފައިވާ ވީޑިއޯއެއް އިންސްޓަގްރާމް ގައި ލިޒެލް ވަނީ ހިއްސާކޮށްފައެވެ. މި ވީޑިއޯގެ ބޭނުކަކީވެސް އޭނާގެ ހާލު މިހާރު ރަނގަޅުވަމުން އަންނަކަން ސަޕޯޓަރުންނަށް ހިއްސާކުރުމެވެ.
View this post on Instagram
ރެމޯއަށް އަވަސް ޝިފާއަކަށް އެދި މި ޕޯސްޓްތަކަށް ގިނަ ފޭނުން ކޮމެންޓުކޮށްފައި ވެއެވެ.
