މާދަމާ އޮލިމްޕަސް ސިނަމާގައި ޕްރިމިއާ ކުރުމަށް ތައްޔާރު ވަމުން އަންނަ ފިލްމު "ކަންބަޅި" ގެ މައި ޕޯސްޓަރު މިއަދު އާންމުކޮށްފި އެވެ.
މީގެ ކުރިން ވެސް ތަފާތު ޕޯސްޓަރު ތަކެއް ވަނީ އާންމު ކޮށްފައިއެވެ. އެގޮތުން ފިލްމް ގެ ލީޑުން ފެނިގެންދާ ތަރިން އަދި ހަމަ އެއާއި އެކުގައި ފިލްމްގެ ކެރެކްޓާތަށް ހިމެނޭހެން ނަންތަކާއި އެކުގައިވެސް ޕޯސްތަރު ތަކެއް ހިއްސާކޮށްފައި ވެއެވެ.
މި ފިލްމް ގެ ރަސްމީ ޕޯސްޓަރުގެ ގޮތުގައި އާންމު ކޮށްފައިވާ، މި ޕޯސްޓަރުގައި ހިމެނެނީ ފިލްމުގެ އެންމެ މުހިއްމު ކެރެކްޓާތައް ކުޅުނު ތަރިންނެވެ. އޭގެ ތެރޭގައި ނުޒުހަތު ޝުއައިބާއި ޝަރަފު އަބްދުﷲ އާއި ވާޝިޔާ މުހައްމަދާއި އިފްނާޒް ފިރާގުގެ އިތުރުން ފިލްމުގައި ވަރަށް މުހިއްމު ރޯލެއް ކުޅެފައިވާ ކުޑަކުއްޖާ ސާރާ ހިމެނެ އެވެ.
View this post on Instagram
"ކަންބަޅި" ޑައިރެކްޓް ކުރީ އިއްލެ އާއި ބަވަތި ފިލްމުގައި ލީޑް ރޯލެއް އަދާކޮށްފައިވާ އިފްނާޒް ފިރާގު ގުޅިގެންނެވެ. އައި ފިލްމްސް މިހާތަނަށް ވަނީ ކާމިޔާބު ދެ ފިލްމެއް ނެރެފަ އެވެ. އެއީ "ނީނާ" އާއި "ބަވަތި" އެވެ.
އާސިމް އަލީ އަދި އިލްޔާސް ވަހީދު ޕްރޮޑިއުސްކުރާ މި ފިލްމުގެ މިއުޒިކް ހަދަނީ ފިލްމު "ފްރީ ޑެލިވަރީ" ގެ ހިތްގައިމު މިއުޒިކް ހެދި ޝަހީދު ލިގެސީ އެވެ. ފިލްމުގެ ޕޯސްޓް ޕްރޮޑަކްޝަން މަސައްކަތްކުރަނީ އިއްލެގެ "ބަވަތި" އަދި "ނީނާ"ގެ ވެސް އެ މަސައްކަތްތައްކުރި އޯކޭޒް އިންކް އެވެ. ހަމަ އެހެންމެ ކެމެރާ ކުރަނީވެސް މި ބުނި ފިލްމުތައް ކެމެރާކުރި ތަޖުރިބާކާރު އަދި ޒުވާން ކެމެރާމަން ޝިވާޒް (މާސްކޭ) އެވެ.
